सरकारले २३ क्विन्टल सुन बाहिर पठाएको सूचना हामीसँग छ: एमाले सांसद बास्कोटा

शन्तबहादुर तामाङ
शन्तबहादुर तामाङ संवाददाता
21 Shares
काठमाडौं
Gokul Baskota

नेकपा (एमाले) का सांसद गोकुल बास्कोटाले सरकारले २३ क्विन्टल सुन बाहिर पठाएको सूचना आफूसँग रहेको दाबी गरिएको छ । एक क्विन्टल सुन समाएजस्तो गरेर सरकारले करिब २३ क्विन्टल सुन बाहिर पठाएको उनको जिकिर थियो । बुधवार प्रतिनिधि सभा बैठकमा बोल्दै सांसद बास्कोटाले सो एक क्विन्टल सुन समात्नु नौटङ्की थियो वा के कारणले समातियो ? भन्ने कुरा उच्चस्तरीय जाँचबुझ आयोगले बाहिर ल्याउने भन्दै आफूहरू त्यसको प्रतीक्षामा रहने समेत बताए ।

उनले सत्तापक्षलाई सत्यको पक्षमा उभिन तर स्टन्टबाजी नगर्न पनि चेतावनी दिए । पार्टीका अध्यक्ष केपी शर्मा ओलीलाई जेल पाउनेसम्मको अभिव्यक्ति सत्तापक्षबाट आएको उल्लेख गर्दै सांसद बास्कोटाले त्यस्ता खालको ललकार्ने र तर्साउने काम नगर्न सचेत गए । उनले जनताको विश्वासको जगमा उभिएका ओलीमाथि अपमान गरिए सैह्य नहुने बताए ।

सांसद बास्कोटाले भने, ‘यसबिचमा हामीले प्राप्त गरेका सूचना अनुसार करिब २३ क्विन्टल सुन रातारात बाहिर पठाइयो । र, एक क्वीन्टल सुन समातियो । ६० केजी भयो क्यारे जोख्दा । यो फगत नौटङ्की थियो वा खास कारणले समातियो रु यसको पनि पर्दा खुल्दै जाला । अब हामी एउटा आयोग बनाउने कुरा गरिसकेपछि त्यसको प्रतिक्षमा छौँ । र, त्यसका तथ्यहरूलाई हामी स्वीकार गर्दछौँ । हिजोसम्म पनि र अहिले पनि केही सत्तारुढ दलका साथीहरूले प्रश्न उठाउनु भयो । लोकतन्त्रमा प्रतिपक्षको आवाज दमन गर्न खोजेपछि भकुन्डोजस्तो उफ्रनुपर्ने स्थिति बन्यो । आज ठिक ठाउँमा आइपुगेको छ । सबैलाई बधाई भन्छु, धन्यवाद भन्छु । यहाँ त आउनुपर्दो रहेछ । म एउटा चुनौती पनि दिन चाहन्छु । सत्तापक्षले रुखको टुप्पोको पातमा बसेर, हाँगामा बसेर पात हल्लाउने कुरा नगर्नुस् । तपाईँहरूलाई सुझाव छ–स्टन्टबाजी होइन, गहिरो जरासम्म पुग्ने तागत राख्नुस् । आँट गर्नुस् । जे सत्य हो, त्यो कुरा बाहिर आउँछ । एक हजार कुतर्कको काम छैन । एउटा तथ्यले सम्पूर्ण कुराको छिनोफानो गर्दछ । यो आजको समाज हो । र यसमा स्टन्टबाजीको काम छैन । फलानो नेता, फलानो दिन, विपक्ष दलका नेता जेल जान्छ । के हेरेर बस्नुभएको छ: लैजानुस् समातेर । पाता फर्काएर लैजानु न । हामीले रोकेको छ रु हामीले त्यही मागेको हो । कि जे चिज साँचो हो । त्यही कुरा ल्याउनुस् । ललकार्ने, तर्साउने यो त गजब भयो । यत्रो जलहरीदेखि ३३ किलोको हल्ला किन रहेछ रु किन उठाइराखेको रहेछ भन्दाखेरि देखियो । यसो हेरेको पूर्व देखाएर पश्चिम हान्ने एउटा तरिका छ नि । अर्काको ढाडमा टेकेर त्यसैको टाउकोमा हान्ने रहेछ नि । कुरा ठुला के देखिन्छ भने कहिले कोसित टाँसिएर, कहिले को सित साटिएर ओभर नाइट सत्ता परिवर्तन गर्नेले जनताको विश्वासको जगमा उभिएको पार्टीका नेतालाई अपमान गर्ने दुःसाहस चाहिँ नहोस् । म चुनौती र चेतावनी दुई वटै दिन चाहन्छु ।’

सांसद बास्कोटाले सरकारले सत्यको पक्षमा उभिन तागत राख्नुपर्ने बताए ।

तपाईको प्रतिक्रिया

पत्रपत्रिका