भि.जी ईम्पेक्स प्रा.लि. नेपालमा जी.डब्ल्यु.एम सवारी साधनको आधिकारिक वितरकले आफ्नो बहुप्रतिक्षित इलेक्ट्रिक–क्रसओभर ओरा ०३ को डेलिभरी सुरु गरेको छ । जी.डब्ल्यु.एमले ओरा ०३ को लागि जेठ ३, २०८० मा बुकिङ खुला गरेको थियो र बुकिङ घोषणा गरेदेखि नै यस रेट्रो–मोर्डनिस्टिक इलेक्ट्रिक क्रसओभरको लागि ग्राहकहरूबाट निकै राम्रो प्रतिक्रिया पाइरहेको छ ।
प्रिमियम लेथरेट सिट, पानोरोमिक सनरुफ, पावर एडजस्टेबल ड्राइभर सिट, डुअल १७.२५ ईन्च इन्टिग्रेटेड डिस्प्ले टच, एडप्टिभ क्रुज कन्ट्रोल, वायरलेस चार्जर आदि जस्ता आधुनिक सुविधाहरू सहितको यसको टाईमलेस एक्सटेरियर र आकर्षक ईन्टेरियरलाई ग्राहकहरूले मन पराइरहेका छन् ।
ओरा ०३ मा ४८ KWH को ब्याट्रीको साथ ४०० KMS (NEDC) को प्रभावशाली ड्राइभिङ्ग रेन्ज रहेको छ । सुरक्षाको पक्षमा, ओरा ०३ देशका थोरै विद्युतीय सवारीहरू मध्ये एक हो जसले ANCAP र EURONCAP दुवैमा फाईभ–स्टार प्राप्त गरेको छ, जसले हरेक यात्रामा आत्मविश्वास जगाउँछ । ओरा ०३ मा सीक्स ओमनिडायरेक्शनल एयरब्याग, अटोमेटिक इमर्जेन्सी ब्रेकिङ, ३६० डिग्री भ्यू क्यामेरा, अटोमेटिक भेहिकल होल्ड, एन्टी–लक ब्रेकिङ सिस्टम, इलेक्ट्रोनिक स्ट्याबिलिटी कन्ट्रोल, ट्र्याक्सन कन्ट्रोल सिस्टम आदि जस्ता सुरक्षा सुविधाहरू छन् ।
जी.डब्ल्यु.एमको बारेमाः
भिजि ईम्पेक्स प्रा.लि.नेपालमा जी.डब्ल्यु.एम सवारी साधनको एक आधिकारिक आयातकर्ता र वितरक हो । जी.डब्ल्यु.नेपालले हाभल एच्६, हाभल जोलायन, पावर, र वीङ्गल५ जस्ता विश्वव्यापी रूपमा लोकप्रिय मोडलहरू मार्फत नेपालमा आफ्नो उपस्थिति दृढताका साथ स्थापित गर्न सक्षम भएको छ र हालसालै अल न्यु इलेक्ट्रिक–क्रसओभर ओरा ०३ सार्वजनिक गर्दै जी.डब्ल्यु.एम नेपालले बजार विस्तार गरिरहेको छ । देशको नेक्स्ट–जेन अटोमोटिभ नवाचारलाई मूर्त रूपमा प्रोत्साहन गर्ने वाचाको साथमा जी.डब्ल्यु.एम नेपालले देशभरि नै फ्युचरिस्टक मोडलहरू र प्रिमियम प्रस्तावहरू थपेर बिक्री र बिक्रीपछिको सेवालाई निरन्तर स्तरोन्नति गर्न प्रतिबद्ध छ । जी.डब्ल्यु.एम नेपालले सधैं उपभोक्ताहरूलाई नयाँ र विस्तृत सेवाहरू प्रदान गर्दै नेपालको अटोमोटिभ इकोसिस्टमलाई अगाडि बढाउने कुरामा ध्यान केन्द्रित गरेको छ ।
