तामाङ पत्रकार सङ्घ केन्द्रको २० औँ स्थापना दिवसमा रक्तदान तथा ‘दीपेन्द्र दोङ स्मृति पत्रकारिता पुरस्कार’ प्रदान गरिएको छ ।
बिहीबार स्थापना दिवसको अवसरमा केन्द्रीय कार्यसमितिले बौद्ध परिसरमा रक्तदान कार्यक्रम आयोजना गरी स्थापना दिवस मनाएका हुन् ।
कार्यक्रममा २० जनाले रक्तदान गरेका थिए । त्यस्तै ‘दीपेन्द्र दोङ स्मृति पत्रकारिता पुरस्कार २०८०’ गोरखापत्र राष्ट्रिय दैनिकमा लामो समय पत्रकारिता गर्दै आएकी शिवमाया तामाङलाई प्रदान गरिएको थियो ।
कार्यक्रममा गोकर्णेश्वर नगरपालिकाकी उपमेयर सान्नानी लामा‚ काठमाडौँ महानगर वडा न ६ वडाध्यक्ष भुवन लामा‚ सङ्घका सल्लाहकार लगायतको उपस्थिति रहेका थिए ।
तामाङ सञ्चारकर्मीहरूको एक मात्र छाता सङ्गठन तामाङ पत्रकार सङ्घले दुई दशक लामो यात्रा पार गरिसकेका छन् । यस अवधिमा प्रवास र जिल्ला गरी २३ वटा शाखाहरू स्थापना भइसकेका छन् ।
कार्यक्रमलाई बौद्ध वडा नं ६‚ काठमाडौँ‚ भक्तपुर‚ ललितपुर शाखा र म्हेन्दोला फोले पोडकाष्टले सहकार्य गरेका थिए ।
स्थापना दिवसको अवसरमा प्रवास तथा जिल्ला शाखाहरुले विभिन्न कार्यक्रम आयोजना गरी मनाएका छन् ।
