सैलुङअनलाइनका डट कमका अध्यक्ष श्यामलाल लामालाई पितृ शोक परेको छ । अध्यक्ष लामाको बुबा नोर्बु लामाको ८५ वर्षको उमेरमा निधन भएको हो ।
स्वर्गीय लामाको लामो समयदेखि मुटु रोगको उपचार हुँदै आइरहेको थियो । महाराजगञ्ज स्थित शिक्षण अस्पतालको मनमोहन कार्मेडियोथ्योरासिस भास्कुलर एन्ड ट्रान्सप्लान्ट सेन्टरमा उपचारकै क्रममा उनको निधन भएको हो । लामाको सोमबार बिहान २ बजे निधन भएको पारिवारिक स्रोतले जानकारी दिए ।
सिन्धुपाल्चोक लिसंखुपाखर गाउँपालिका वडा नं. २ भुस्कुन निवासी लामा लामा शिक्षामा निपुण थिए । लामाले काभ्रे‚ रामेछाप‚ दोलखा जिल्लाका तामाङ बस्तीहरूमा पुरेत लामाको जिम्मेवारी निभाउँदै आएका थिए ।
उनी नेपाल ललितकला प्रज्ञा–प्रतिष्ठानको ‘अरनिको राष्ट्रिय ललितकला प्रज्ञा–सम्मान २०७३’ बाट सम्मानित भएको थियो ।
स्वर्गीय लामा छ्योइफेल कुन्देलिङ गोन्पा लिसंखुका प्रमुख लामा हुन् । स्वर्गीय लामाका ४ छोरा र ३ छोरी छन् ।
स्व. लामाको आरुबारी सिमलटारस्थित आफ्नै निवासमा बौद्ध धर्म अनुसार पूजापाठ गरिरहेका छन् । पारिवारिक स्रोतका अनुसार लामाको बुधवार टेकुस्थित धुर्ठोइ रामाढोलीमा दाहसंस्कार गरिने जनाइएको छ ।
