“मासिन्या” मञ्चनको तयारी

विभेद विरुद्ध सिर्जनात्मक हस्तक्षेप नाटक "मासिन्या"

शन्तबहादुर तामाङ
शन्तबहादुर तामाङ संवाददाता
28 Shares
काठमाडौं‌

थापागाउँस्थित मण्डला थिएटरमा माघ ११ देखि मञ्चन हुने नाटक ‘मासिन्या’ तामाङ समुदायलाई राज्यसत्ताले गरिरहेको विभेद विरुद्धको सिर्जनात्मक हस्तक्षेप रहेको नाटकका लेखक राजु स्याङ्तानले बताए ।

मङ्गलवार मण्डलामा गरिएको पत्रकार भेटघाट कार्यक्रममा लेखक स्याङ्तान सहित अर्का लेखक लक्ष्मी रुम्बा, नेपाल तामाङ घेदुङका अध्यक्ष मोहन गोले तामाङ,ताम्सालिङ सङ्घर्ष समितिका अध्यक्ष गणेश योन्जन लगायताको सहभागितामा भएको कार्यक्रममा नाटक समूहले ‘मासिन्या’को रचनादेखि मञ्चन यात्राबारे प्रकाश पारेका थिए ।

स्याङ्तानका अनुसार झन्डै डेड दुई वर्ष अघि नाटक तयार गरिएको हो। तामाङ समुदायमा नाटकको परम्परा र अभ्यास न्यून देखिए पनि मासिन्याले त्यसमा टेवा पुग्ने उनको विश्वास छ ।’मासिन्याले जङ्गबहादुरको समयदेखि अहिले सम्म सुन्दर तामाङ बस्ती कसरी रित्तिँदै गएको छ भन्ने कथा भन्छ’,उनले भने,’हामीले कविता त लेख्यौँ, यतिले पुगेन भन्ठानेर नाटक ल्यायौँ । हाम्रो मौलिकता बोकेको माटो, हाम्रै पीडाको कथा भन्न हामीले नाटकको माध्यम रोजेका छौँ ।’

समुदायभित्र गढेर बसेको पीडालाई नाटकका रूपमा समूहको पहिलो प्रयास भएको बताउँदै अर्का लेखक रुम्बाले तामाङको मात्र नभएर नाटकले समग्र राज्य प्रणालीको विभेदमा पिल्सिएका सिमान्त्कृत समुदायको कथा व्यक्त गर्ने सुनाइन् ।

अहिलेको खुल्ला र गणतान्त्रिक राज्य प्रणालीको समाजमा सबैले आफ्नो कुरा राख्न सिर्जनात्मक बाटो रोज्नुपर्ने अध्यक्ष गोलेले सुनाए ।’हामीले एकले अर्काको कुरा सुनेर अब एक हुनुपर्छ । राणाकाल,पञ्चायत जस्तो कालमा हामीले आफ्नो कुरा राख्न पाएनौँ । अब बन्दुकले होइन सिर्जना मार्फत हस्तक्षेप गर्नुपर्ने हुन्छ’ उनको भने ।

माघ २८ सम्म मञ्चन हुने नाटकको निर्देशन तथा परिकल्पना बुद्धि तामाङ र सोनाम लामाले गरेका छन् । नाटकमा रमिला मोक्तान, विष्णु मोक्तान, रविन दोङ,सुनिल तामाङ, रोहनी लामा, शीतल थोकर, रुपेश तामाङ, इंगिहोपो कोइँच सुनुवार लगायत कलाकारहरूको अभिनय रहेको छ ।

तपाईलाई कस्तो महसुस भयो ?
+1
0
+1
0
+1
0
+1
0

तपाईको प्रतिक्रिया

पत्रपत्रिका