नेकपाद्वारा चियापान सम्पन्न

सैलुङअनलाइन संवाददाता
नुवाकोट

नेकपा म्यागङ गाउँपालिका नुवाकोटले असोज १७ गते देउरालीमा चियापान कार्यक्रम आयोजना गरी २०७६ सालको विजय दशमी, शुभ दिपावली, छडपर्व लगायतका विभिन्न चाडपर्वहरुका शुभकामना आदानप्रदान सम्पन्न गरेको छ ।

प्रमुख अतिथि प्रदेश सांसद तथा नेकपाका जिल्ला अध्यक्ष हिरानाथ खतिवडाले शुभकामना दिदै नेकपा नेतृत्वको प्रदेश र सङ्घीय सरकारले थुप्रै जनपक्षीय नीति तथा योजनासहितका कार्यक्रमहरू बनिसकेका र कार्यन्वयन चरणमा रहेकाे बताए । स्थानीय पार्टी नेताहरुका समन्वयमा विकास निर्माणमा लागिरहने र पार्टी पङ्क्तिलाई सोही अनुरुप परिचालन गरी म्यागङलाई समृद्धितर्फ उन्मुख गराउँछु, सांसद हिरानाथले भने ।

त्यसैगरी विशेष अतिथि सङ्घीय सांसद नारायणप्रसाद खतिवडाले जनताद्वारा निर्वाचित प्रतिनिधिहरू जनताको साझा सेवक भएको बताए । सांसद खतिवडाले जनप्रतिनिधिहरुले भेदभाव नगरीकन विद्यामान ऐन्, नियम्, र कानून बमोजिम काम गर्नुपर्ने र गलत कार्य गर्नेलाई कारबाहीको दायरामा ल्याउनुपर्ने बताए ।

नेकपाका म्यागङ गाउँपालिका एकता कार्यदलद्वारा यसअघि नै आफ्नो प्रस्तावित गाउँपालिका सङ्गठन समिति प्रतिवेदन माथिल्लो समितिमा पेश गरिसकेको जिल्ला सदस्य सुकसागर तामाङले बताए । सदस्य तामाङले थपे- माथिल्लो समितिको निर्णय अनुसार सबै वडाहरुमा पार्टी कमिटिहरू निर्माण र परिचालन गर्छौं ।

कार्यक्रममा स्थानीय नेताहरुले पार्टीको तल्लो तहसम्म सङ्गठन निर्माणमा भएको ढिलाईका कारण काङ्ग्रेस नेतृत्वको स्थानीय सरकारले स्वेच्छाचारिता रबैयाका कारण जनतामा निराशा थपिएकाले संस्थागत रुपमै सशक्त अभियान ल्याउने पर्नेमा जोड दिए ।

तपाईको प्रतिक्रिया