ओखलढुङ्गा काठमाडौँ तामाङ सेवा समाजद्वारा २८६० सोनाम ल्होछार डुक ल्होको अवसरमा शुभकामना आदानप्रदान तथा वनभोज कार्यक्रमको तयारी पूरा भएको छ ।
समाजले भोली अर्थात् फागुन ७ गते राष्ट्रिय सहिद पार्क जगडोलमा ल्होसार मनाउन लागिएको हो ।
ओखलढुङ्गाका सम्पूर्ण तामाङहरू एकताको सन्देश जाओस् भनी वनभोज कार्यक्रम आयोजना गरिएको आयोजक संस्थाले जानकारी दिए ।
काठमाडौँ आई बसोबास गरिरहेका ओखलढुङ्गाका तामाङहरूलाई भेटघाट र एक आपसमा शुभकामना आदानप्रदान होस भन्न उद्देश्यले कार्यक्रम गर्न लागिएको समाजका अध्यक्ष दिर्गमान तामाङले जानकारी दिए ।
कार्यक्रममा ओखलढुङ्गाका राजनीतिज्ञ‚ स्थानीय जनप्रतिनिधि लगायत सम्पूर्णको उपस्थिति रहनेछ । साथै साङ्गीतिक माहौलले मनोरन्जयमय हुने आयोजकले जानकारी दिए ।
कार्यक्रममा ओखलढुङ्गाका तामाङ र गैर तामाङ लगायत सम्पूर्णलाई उपस्थित भई मनोरञ्जन लिनसमेत अनुरोध गरेको छ ।
