पत्रकार रजनी तामाङ स्याङ्बो सम्मानित हुने भएको छ । उनलाई स्वतन्त्र पत्रकार संघले सम्मानित गर्न लागेको हो ।
पत्रकार तामाङलाई सम्मानितका निम्ति पुर्व सम्मानित प्रतिभा शीला गुरुङको संयोजकत्वमा कृष्ण रानाभाट र कल्याण पन्त रहेको प्रतिभा छनौट समितिले सिफारिस गरेको हो । उक्त सिफारिसलाई संघको आइतबार बसेको बैठकले अनुमोदन गरिसकेको सचिव गंगासागर उपाध्यायको भनाइ छ ।
नगद १० हजार, सम्मानपत्र र दोसल्लाले सम्मान गरिने संघका कोषाध्यक्ष ओम उपाध्यायले बताए । उनका अनुसार संघले पत्रकार रजनी तामाङको योगदानलाई कदर गर्दै प्रोत्साहन स्वरुप सम्मान गर्न लागेका हुन् । पत्रकार तामाङलाई यही फागुन २४ गते संघको साधारणसभा तथा अधिवेशन अवसरमा सम्मान गर्ने बताएको छ ।
स्वतन्त्र पत्रकार संघले यसअघि उक्त सम्मानबाट पत्रकार दुर्गा अधिकारी, शीला गुरुङ, रविना आले मगर, शान्ति राणा, ईश्वरी पौडेल, सीता दर्नाल र मनिता राईलाई सम्मान गरिसकेका छन् ।
यसवर्ष सम्मानित हुन लागेकी पत्रकार तामाङ कास्की जिल्ला माछापुच्छे गाउँपालिका-९, हुन् । खोज मिडियामा कार्यरत पत्रकार तामाङसँग विभिन्न संस्थामा रहेर कार्य गरेको अनुभव समेत छ । उनी भिडियोग्राफी, फोटोग्राफी र समाचार वाचनसमेत गर्छिन् ।
