कृष्ण रानाभाट स्वतन्त्र पत्रकार संघ कास्कीको अध्यक्षतामा चयन भएको छ । रानाभाट संघको छैटौं अधिवेशनबाट अध्यक्ष चयन भएको हो । संघले १२औं स्थापना दिवसको अवसर पारेर बिहीबार साधारणसभाका साथै अधिवेशनसमेत सम्पन्न गरेका हुन् ।
पोखरामा सम्पन्न भएका अधिवेशनबाट संघका कास्की शाखाका उपाध्यक्ष डिल्लीराम काफ्ले, सचिव रजनी तामाङ स्याङ्बो, सहसचिव शिशिर पौडेल, कोषाध्यक्ष राधा ढकाल रहेका छन् । त्यस्तै सदस्यहरु क्रमशः गणेश बज्र लामा, अल्चना श्रेष्ठ, मदन जैसी र नवीन क्षेत्री सर्वसम्मत चयन भएका हुन् ।
सो अबसरमा बरिस्ठ अधिबक्ता तिलक पराजुली, जिल्ला समन्वय समिति कास्कीका अधिकृत नवराज बराल, केन्द्रिय अध्यक्ष कृष्ण बास्तोला, नेपाल पत्रकार महासंघ कास्कीका अध्यक्ष बिमला भण्डारी, संस्थापक उमाकान्त शर्मा लगायतले शुभकामना मन्तव्य दिएका थिए ।
संघले प्रत्येक बर्ष अन्तर्राष्ट्रिय नारी दिवसको अवसर पारेर महिला पत्रकार सम्मान गर्दै आएको छ । यसवर्ष खोज मिडियाकी रजनी तामाङ स्याङ्बोलाई सम्मान गरिएको छ । उनलाई नगद १० हजार, सम्मानपत्र र दोसल्लाले सम्मान गरिएको थियो ।
त्यसैगरी संघका अध्यक्ष असफल गौतमको अध्यक्षतामा भएको कार्यक्रममा स्वागत तथा सम्मानित ब्यक्ति परिचय सिला गुरुङले र संचालन सचिव दयासागर तिमिल्सिनाले गरेका थिए ।
