क्रोएसियामा नेपाली कथानक चलचित्र महाजात्रा प्रदर्शन हुने भएको छ । चलचित्र महाजात्रा मार्च ३१ तारीख क्रोएसियाको सेस्भेन्ते सेन्टरमा प्रदर्शन हुन लागेको हो ।
क्रोएसियाको महत्त्वपूर्ण चाडको अवसर पारेर नेपाली नयाँ वर्षको पूर्वसन्ध्यामा प्रदर्शन हुन लागेको चलचित्रलाई काठमाडौं मार्टले प्रदर्शन गर्न लागेको हो । वर्षभरि काममै व्यस्त रहेका नेपालीहरुलाई एकदिन भएपनि मानसिक तनाव कम गराउने उदेश्यले महाजात्रा देखाउन लागिएको संचालक एवं समाजसेवी दावा लामाले बताए । उनका अनुसार यसअघि काठमाडौं मार्टकै सहकार्यमा नेपाली चलचित्र जारी र दिमाग खराब प्रदर्शन गरिसकेका छन् ।
चलचित्र क्रोएसियासम्म ल्याउन एभरेस्ट म:म:, म:म स्टेसन, हिमालय होस्टेल, आप्पा होस्टेल, साथी डिजिटल लगायतको सहयोग रहेको काठमाडौ मार्टका संचालक गुरुङले जानकारी दिए ।
महाजात्रा चलचित्रको टिकट १० युरो तोकिएको छ । टिकट काठमाडौं मार्ट, आप्पा होस्टेल, एभरेस्ट म:म: हिमालयन करी, साथी डिजिटल लगायतमा उपलब्ध छन् । त्यस्तै चलचित्रका टिकटका बारेमा जानकारी लिन मोबाइल नम्बर (+385-911353000) मा कल वा व्हाट्सप गर्न सक्नेछ ।
चलचित्रमा विपिन कार्की, वर्षा राउत, रवीन्द्र झा, हरिवंश आचार्य, दिव्य देव, शिशिर वाङ्देल, रवीन्द्रसिंह बानियाँलगायतको अभिनय हेर्न सकिन्छ । गत शुक्रबारदेखि नेपालभर प्रदर्शनमा आएका महाजात्रामा आपतकालीन रुपमा आइपर्ने पैसा व्यवस्थापन गर्ने अवसर र त्यसले निम्त्याउने समस्यालाई रोचक शैलीमा प्रस्तुत गरिएको छ।
महाजात्रा बिहान ११.१५ दिउँसो २.३० र साँझ ५.३० गरि तीन शो प्रदर्शन हुनेछन् । क्रोएसियाका लागि प्रचारप्रसार सामग्री तयार पार्न साथी डिजिटलले जिम्मा पाएका छन् । साथी डिजिटलले मोबाइलका विभिन्न पाठ पुर्जासमेत बिक्री गर्छन् । केही महिना अघिदेखि संचालनमा आएको साथी डिजिटल जाग्रेबको अन्डरग्राउन्ड मार्केट (importanne) इम्पोर्टन्नेमा छ ।
