नेपाल इटाली चेम्बर अफ कमर्स एन्ड इन्डस्ट्री (एनआईसीसीआई) ले यही चैत्र १६ गते काठमाडौँको होटेल वाराहीमा आफ्नो १० औँ वार्षिक साधारण सभा सम्पन्न गरेको छ । यस कार्यक्रम इटाली र नेपालबिच बलियो व्यावसायिक सम्बन्ध प्रवर्द्धन गर्ने चेम्बरको अटल प्रयासमा एउटा महत्त्वपूर्ण कदम साबित भएको छ ।
उक्त कार्यक्रममा, प्रमुख अतिथिको रूपमा नेपाल सरकारका सूचना तथा सञ्चार मन्त्री रेखा शर्माको साथ अन्य विशिष्ट अतिथिहरूको साथै दुई राष्ट्रबिचको द्विपक्षीय सम्बन्धलाई प्रगाढ बनाउन महत्त्वपूर्ण भूमिका खेल्ने प्रतिष्ठित व्यक्तित्वहरूको पनि यस कार्यक्रममा उपस्थिति रहेको थियो । त्यसै गरी, नेपाल इटाली चेम्बर अफ कमर्सका अध्यक्ष सञ्जय अग्रवाल, नेपाल इटाली चेम्बर अफ कमर्सका मानार्थ सदस्य राजेशकाजी श्रेष्ठ, र इटालीका लागि नेपाल का महावाणिज्यदूत प्रतिमा राणा पाण्डे लगायत एनआईसीसीआईका अन्य प्रमुख व्यक्तित्वहरूलाई चेम्बरको उद्देश्यप्रति उनीहरुको अटल प्रतिबद्धताको लागि यस सभामा सम्मान गरिएको थियो ।
कार्यक्रममा माननीय रेखा शर्माद्धारा “एनआईसीसीआई डाइरेक्टरी” को अनावरण भएको थियो । जुन चेम्बर अन्तर्गत भएका विकास र परिष्कृत संयोजकतालाई झल्काउँछ । उक्त अवसरमा द्विपक्षीय व्यापार सम्बन्धको विकासमा अमूल्य योगदान गर्ने सम्मानित अतिथिहरु लाई कदर गर्दै प्रशंसा पत्र प्रदान गरिएको थियो ।
साथै, सभा मञ्चमा नवनियुक्त सदस्यहरूलाई स्वागत र सम्मान गर्नुका साथै एनआईसीसीआईको नेपाल र इटालीबिचको व्यापार र लगानीलाई प्रोत्साहन गर्ने उद्देश्यप्रति उनीहरुको समर्पणको प्रमाणको रूपमा सदस्यता प्रमाणपत्र प्रदान गरिएको थियो ।
राजेश काजी श्रेष्ठ, श्रीमती प्रतिमा पाण्डे र माननीय रेखा शर्मा लगायत विशिष्ट वक्ताहरूले एनआईसीसीआईले विगत वर्षमा हासिल गरेका उपलब्धिहरू बारे छलफल गर्नु भएको थियो । उक्त छलफलमा नेपाल र इटालीबिच आर्थिक वृद्धि र फलदायी साझेदारीलाई अझ वृद्धि गर्ने चेम्बरको अटुट प्रयासलाई जोड दिइएको थियो ।
आफ्नो समापन मन्तव्यमा, एनआईसीसीआईका अध्यक्ष सञ्जय अग्रवालले सबै सदस्यहरूलाई उनीहरूले गरिएको अटल सहयोग र समर्पणको लागि आभार व्यक्त गरिएको थियो । उनले नेपाल र इटालीबिचको व्यापारिक सम्बन्ध र आर्थिक विकासलाई उत्प्रेरित गर्ने एनआईसीसीआईको अटल प्रतिबद्धता रहिरहने बताएका छन् ।
एनआईसीसीआई, आफ्नो १० औँ वार्षिक साधारण सभाको सफलता पछि, व्यापार र लगानीका अवसरहरूलाई सहजीकरण गर्ने आफ्नो लक्ष्यमा अझ बढी अडिग र समर्पित छ । चेम्बर द्विपक्षीय सम्बन्धलाई थप बलियो पार्न र दुवै देशको आर्थिक समृद्धिमा सहयोग पुर्याउन नयाँ पहल थाल्ने तयारीमा रहेको छ
