काठमाडौँमा सपना आर बम्जनले आफ्नो नयाँ गीत ‘ मिठा-मिठा बोली…. ‘ बजारमा ल्याएकी छिन् । विगत केही समय अस्ट्रलिया बस्दै आएकी बम्जनले माया प्रेम पस्किएको उक्त भिडियो शुक्रबार टेक तामाङ अफिसियलबाट सार्वजनिक गरेकी हुन् ।
वरिष्ठ गीतकार एवम एआइजी टेक तामाङको शब्द रहेको उक्त गीतमा शान्तिराम राईको संगीत रहेको छ । सो गीतमा अनु चौधरी र दिपक लिम्बुले स्वर दिएका छन् । म्युजिक अरेञ्जर भने महाराज थापाको रहेको छ ।
सार्वजनिक म्युजिक भिडियोमा मोडेलका रुपमा बम्जनलाई नै देख्न सकिन्छ भने उनलाई सनम कठायतले साथ दिएका छन् । उक्त भिडियोलाई प्रदिप हमालले निर्देशन गरेका हुन् ।
बम्जनले २०७५ सालमा ‘अंगालोमा बेरिरहुँ’ बोलको म्युजिक भिडियोबाट संगितक्षेत्रमा सुरुवात गरेकी उनले यसपटक भने आधा दर्जनभन्दा बढी म्युजिक भिडियोमा काम गरेकी छन् । उनको ती भिडियोहरु बजारमा छिट्टै पस्किने तयारीमा रहेको उनले बताइन् ।
गीतमा एउटा प्रेमीले प्रमिकालाई छोडेर एक परिवारको सपना पूरा गर्न लागेको समय र सँगै प्रेम बाँडेको उक्त भिडियोमा देख्न सकिन्छ । एक प्रेमिकाले कल्पना गरेका सबै मायाका कुराहरु यस भिडियाेमा देखाईएको छ ।
भिडियाे हेर्न यहाँ क्लिक गर्नुहाेस् :
