मौलापुरले प्रस्तुत गर्‍यो ‘शून्य कर नीति’ सहित ३९ करोडको बजेट

सैलुङअनलाइन
सैलुङअनलाइन संवाददाता
14 Shares
रौतहट

सञ्जय मिश्रा, रौतहट । रौतहटको मौलापुर नगरपालिकाको आठौँ बजेट अधिवेशन सोमवार एक समारोहका बिच सम्पन्न भएको छ।

आमजनता पार्टीका अध्यक्ष सङ्घीय सांसद प्रभु साहको प्रमुख आतिथ्यमा सर्वसम्मत ढङ्गले सम्पन्न नगर सभाले विभिन्न लोकप्रिय कार्यक्रम सहित कुल ३९ करोडको बजेट घोषणा गरिएको ।

कार्यक्रममा प्रमुख अतिथि तथा पूर्व मन्त्री प्रभु साहले मौलापुरले लिएको ‘शून्य कर नीति’ को सर्वत्र सराहना भइरहेको बताएका थिए । ‘बिजुली- पानी निःशुल्क, गरिब दलितलाई एकीकृत आवास, छोरीसँग मेयर कार्यक्रममा जनही ३० हजार रुपैयाँ सहयोग, निःशुल्क प्राविधिक शिक्षा जस्ता कार्यक्रमहरूले मौलापुरको ग़ौरब बढाएको उनले बताए ।

त्यस्तै सभाले धुवाँ चूल्हों मुक्त अभियान गरी कच्ची सडकमुक्त अभियान र झुपडी मुक्त अभियान अगाडी बढाउने घोषणा गरिएको । यसरी जनता केन्द्रित बजेट ल्याएकोमा मौलापुरको सर्वत्र सराहना भईरहेको छ । देशका विभिन्न स्थानीय तहमा बजेटका विषयमा जनप्रतिनिधिहरुबीच विवाद भइरहेको बेला मौलापुरले भने सर्वसम्मत ढङ्गले नगर सभा सम्पन्न गरेकोमा उनले सम्पूर्ण जनप्रतिनिधि सहित नगरप्रमुखलाई धन्यवाद दिएका थिए। उनले मौलापुरले “ शून्य कर नीति” तथा “फ्री बिज़ूली फ्री पानी”को निरन्तरता सहित विभिन्न लोकप्रिय कार्यक्रमहरू घोषणा गरेको बताएका थिए ।

उनले सङ्घ र प्रदेश सरकारले जिम्मा लिएका जनता आवास, शिक्षा स्वास्थ्य, नदी नियन्त्रण तथा सिचाई सम्बन्धी काम पूरा नगर्दा नगरपालिकाले अनावश्यक आर्थिक भार बहन गर्नुपरेको गुनासो गरेका थिए।मौलापुर नगरपालिकाकी मेयर रिना कुमारी साह र प्रमुख प्रशासकीय अधिकृत रामबाबु साहले संयुक्त रूपमा प्रस्तुत गरेको बजेटमा यस आर्थिक वर्षमा सहरी पूर्वाधार तथा भवन, सडक पुल, सिचाई, नदी नियन्त्रण, फ्री वाईफाईको कार्यक्रम थप प्रभावकारी बनाउने, सञ्चार, ऊर्जा, सामाजिक विकास तर्फ शिक्षा युवा, खेलकुद, स्वास्थ्य, खानेपानी, सरसफाइ, सामाजिक न्याय, कृषि, पशु पक्षी, मतस्य, भूमि व्यवस्था सहकारी, पर्यटन तथा संस्कृति उद्योग वाणिज्य वित्तीय, वातावरण व्यवस्थापनलाई प्राथमिकतासाथ समेटिएको छ। कार्यक्रममा विशिष्ट अतिथि पूर्व सांसद समिना हुसैन, उपमेयर नागेन्द्र यादव, मालपोत कार्यालयका प्रमुख बबुनन्दन साह, नापी कार्यालयका प्रमुख समसुल हक अन्सारी, लगायतले मौलापुरले लिएको शून्य नीति तथा जनमुखी कार्यक्रमको सराहना गरेका थिए ।

तपाईको प्रतिक्रिया