एनआरएनएको नवौं महाधिवेशन सुरु (फोटोफिचर/भिडियो)

सन्तोष योन्जन तामाङ
सन्तोष योन्जन तामाङ संवाददाता
काठमाडाैं

नवौँ गैरआवासीय नेपाली (एनआरएनए) विश्व सम्मेलन तथा अन्तर्राष्ट्रिय महाधिवेशन आजदेखि काठमाडौँमा शुरु भएको छ ।

नेपाल उद्योग वाणिज्य महासङ्घ र गैरआवासीय नेपाली सङ्घको संयुक्त आयोजित सम्मेलनको मंगलबार राष्ट्रपति विद्यादेवी भण्डारीले उद्घाटन गरेकी हुन् ।

‘म, मेरो एनआरएन र मेरो नेपाल’ भन्ने मूल नाराका साथ शुरु भएका महाधिवेशनले आगामी २०१९-२०२१ को लागि नयाँ नेतृत्व चयन गर्नेछ ।

नयाँ नेतृत्वका लागि कुमार पन्त र कुल आचार्यबीच प्रतिस्पर्धा हुँदैछ । सङ्घको नयाँ नेतृत्वका लागि प्रत्येक दुई÷दुई वर्षमा निर्वाचन हुने गर्दछ ।

कूल ४२ पदका लागि बुधबार दिउँसो ३ बजेदेखि साँझ ८ बजेसम्म हुने निर्वाचनमा विद्युतीय यन्त्रबाट मतदान हुनेछ ।

सम्मेलनमा ८१ मुलुकका करीब २ हजार ५ सयले भाग लिएका छन् ।

तपाईको प्रतिक्रिया