प्रवासमा रहेर पनि निरन्तर नेपाली गीत संगीतको सिर्जनामा क्रियाशील गीतकार रोज लामा योञ्जनको शब्दमा रहेको आधुनिक गीतहरूमध्ये यो चौथो “जिन्दगी तिमी हौ” नामक गीतको म्यूजिक भिडियो सार्वजनिक भएको छ ।
सार्वजनिक गीतमा गायक सुनिल राई र गायिका लिला राईले स्वर दिएका छन् । रोज लामा योञ्जनको शब्दमा सार्वजनिक उक्त गीतको भिडियो सुनिल राईको संगीतमा तयार पारिएको हो ।
पुर्वेली लोकलयमा आधारित उक्त गीतमा मायाका सुनौला पलहरूलाई समेटिएको छ । गीतमा माया गर्ने मायालुलाई आफ्नो साथमा राख्नका लागि निकै प्रयत्न गरिएको छ । मौलिक भावमा प्रेमलाई आकर्षक ढङ्गमा समेटिएको छ ।
ज्ञानु राईले गीतमा छायाङ्कन, सम्पादन र निर्देशन गरेका छन् । गीतको पुरा भिडियो हेर्न तल क्लिक गर्नुहोस् ।
