सडक दुर्घटना न्यूनीकरणको लागि स्थानीय सरकार तथा सामाजिक संस्था साझेदार कार्यक्रम अन्तर्गत तारकेश्वर नगरपालिकालाई २० थान कन्भेक्स मिरर हस्तान्तरण गरिएको छ ।
लायन्स क्लब अफ काठमाडौँ हार्मोनिले लायन दीपक पाण्डेको संयोजनमा तारकेश्वरका मेयर कृष्णहरि महर्जनलाई सो सामग्री हस्तान्तरण गरिएको हो ।
लायन्स क्लब आफ काठमाडौँ हार्मोनिका अध्यक्ष मुकुन्द अधिकारी, भरत ब. अर्याल, भूपाल उप्रेती, राजेन्द्र बास्ताकोटि, डिष्ट्रिक ३२५ का गभर्नर लायन विमल कुमार होडा, एम.एस जिएसडी लायन पक्ज प्रधान, निर्वतमान डिष्ट्रिक गभर्नर लायन शम्भु बहादुर थापा, जिइटी डिष्ट्रिक कोओडिनेटर लायन सुरेश चन्द्र वैद्य, एरिया कोओडिनेटर रामकृष्ण बि.सि., प्रदीप खनाल तथा अन्य पदाधिकारीहरूको सामूहिक उपस्थितिमा हस्तान्तरण गरिएको हो ।
मेयर महर्जनले सम्पूर्ण सरोकारवाला सामाजिक अभियन्ताहरूलाई धन्यवाद दिँदै कुनै पनि सहयोग सानो नहुने र सडक दुर्घटना न्यूनीकरणको लागि अत्यन्त प्रभावकारी हुने धारण व्यक्त गरे ।
क्लबका संरक्षक लायन भरतबहादुर अर्यालले स्थानीय सरकार तथा सामाजिक संस्था साझेदार कार्यक्रम अन्तर्गत विगतमा पनि विभिन्न नगरपालिकासँग समन्वय गरी हस्तान्तरण गरिसकेको बताए । उनले आगामी दिनमा आवश्यकता र माग भए अनुसार यो कार्यलाई निरन्तर दिने विचार राखेका थिए ।
क्लबका अध्यक्ष अध्यक्ष मुकुन्द अधिकारीले अवसर र सहकार्यको लागि सबैलाई धन्यवाद ज्ञापन गरियो । हस्तान्तरण गरिएको सामग्रीको मूल्य एक लाख बिस हजार रुपैयाँ रहेको छ ।
