म्याग्दी प्रवासी नेपाली संघ राष्ट्रिय कार्यकारी समिति (मोना) क्रोएसियाले प्रथम वार्षिकोत्सब तथा तीज मनाउने भएको छ । मोना क्रोएसियाले यहि सेप्टेम्बर ७ तारीख शनिबार बृहत सांस्कृतिक कार्यक्रम गरि वार्षिकोत्सबसँगै तीज मनाउन लागिएको हो ।
वार्षिकोत्सब तथा तीजमा विविध सांस्कृतिक कार्यक्रमका लागि नेपालबाट गायक/सर्जक प्रकाश दुतराजलाई निमन्त्रणा गरेको मोनाले जानकारी दिए । मोनाका अनुसार कार्यक्रम दिउँसो २ बजेबाट सुरु हुने कार्यक्रम जाग्रेबको प्रेच्को२,ए( precko 2a)मा हुनेछन् ।
कार्यक्रममा स्थानीय कलाकार दीपा तामाङ, निरु परियार, निरु पुन, उमा आले मगर, सपना जुग्जाली, अन्जु फागामीले आआफ्ना प्रस्तुति दिनेछन् । त्यसैगरी देबिन गर्बुजा, किरणबाबु लामिछाने, कृष्ण अर्याल, सन्तोष परियार, बलराम रानाभाट, आशिष परियार (झिल्के) लगायको पनि कार्यक्रममा प्रस्तुति रहनेछन् ।
त्यस्तै कार्यक्रमको टिकटका लागि आयोजक लगायत क्रोएसियामा रहेका विभिन्न संघसंस्था र मोनासँग सम्पर्क गर्नुपर्ने छन् । तीज कार्यक्रमको टिकट मुल्य १५ युरो तोकिएको मोनाको भनाई छ । आयोजकका अनुसार नेपालबाट कलाकार ल्याउने भएकोले कार्यक्रमलाई आर्थिकभार कम गर्न टिकट राखिएका हुन् ।
मोना क्रोएसियाले एकदिन भएपनि मानसिक तनाव कम गराउने उदेश्यले वार्षिकोत्सबसँगै तीज कार्यक्रम गर्न लागिएको बताएको छ । तीज नेपाली महिलाहरूका महान चाड भएकाले बृहत बनाउन लाएको मोनाको भनाइ छ । तीजलाई धार्मिकभन्दा महिलाहरुको पर्वको रुपमा हेर्नुपर्ने भनाइहरु सार्वजनिक भइरहे पनि यसलाई हिन्दु महिलाहरुले बिशेष रूपमा मनाइने गर्छन् ।
सन् २०२३, मा गठित मोना क्रोएसियामा रहेका विभिन्न संघसंस्था, सामाजिक अभियन्ता, बुद्धिजीवी, व्यवसायी, पत्रकार लगायत अन्यलाई सहभागिताका लागि निमन्त्रणा दिइरहेका छन् । कारणबस निमन्त्रणा नपुगेका खण्डमा यस समाचारलाई आधार मानी उपस्थिति जनाउन आयोजकले आग्रह गरेको छ ।
