बिहीबारदेखि अविरल वर्षापछि आएको पहिरोले पुरिएर सिन्धुपाल्चोकको लिसंखुपाखर गाउँपालिका वडा नं. ३ का पूर्व वडाध्यक्षसहित ५ जनाको मृत्यु भएको छ ।
शुक्रवार राती १ आएको पहिरोले पुरिएर पूर्व वडाध्यक्ष काजीबहादुर लामा र उनको श्रीमती सुन्तली लामाको मृत्यु भएको हो ।
त्यसैगरी सोही वडाको आलोङ ग्रुङम्राङमा पहिरोले घर शिक्षिका तिर्सना मोक्तान र उनका छोराछोरीको मृत्यु भएको छ ।
लिसंखुपाखर गाउँपालिकाका अध्यक्ष राजु लामाले दिइएको जानकारी अनुसार पुरानो घरमा सुतिरहेको बेला अन्दाजी राति १ बजेतिर आएको पहिरोले पूर्व वडाध्यक्षसहित श्रीमतीको मृत्यु भएको बताए ।
त्यस्तै मोक्तानको घरको पूरै जगदेखि नै बगाउँदा ३ जनाको मृत्यु भएको पालिका अध्यक्ष लामाले जानकारी दिए ।
प्रहरी उद्धार कार्यमा लागिपरेका छन् । अहिले गाउँमा विद्युत् काटिएको छ । नेटवर्कको समस्या छ । त्यसो हुँदा सबैतिर सम्पर्क गर्न नसकेको अध्यक्ष लामाले जानकारी दिए ।
