शैलुङ कपको नकाउट चरण सकियो, सोमबारबाट क्वाटरफाइनल

आइतबार तीन टिम क्वाटरफाइनलमा

सैलुङअनलाइन संवाददाता
7 Shares
शैलुङ, दोलखा

दोलखाको शैलुङ गाउँपालिका-३, स्थित शैलुङ रङ्गशालामा जारी प्रथम शैलुङ कप-२०७६ खुल्ला प्रतियोगिताको आइतबार २ खेल सम्पन्न भएसँगै नकाउट चरण खेलहरु सकिएका छन् ।

शैलुङ रङ्गशालामा बिहान् १० बजे भएको पहिलो खेल खडादेवी समाज विरुद्ध गौतम बुद्ध क्लब थगम उत्रिएका थिए । उक्त खेलमा खडादेवीले गौतम बुद्धलाई  ० का विरुद्ध ४ गोले गरेर खेल आफ्नो पक्षमा पारेका थिए । खेल अबधि भर विपक्षमाथि हावी भएका खडादेवीका सञ्जय बिष्ट म्यान अफ द म्याच भएका थिए । खेलाडी बिष्टलाई नेकपा शैलुङ गाउँपालिका इञ्चार्ज रिमालबाबु श्रेष्ठले ट्रफी हस्तान्तरण गरेका थिए ।

त्यसैगरी अपराह्न १ बजे भएको दोस्रो खेलमा स्टार शैलुङ क्लबले मुडे युथ क्लबलाई २ का बिरुद्ध ७ गोल गरेका थिए । मुडे अहिलेसम्मकै धेरै गोल खाने टीम बने ।उक्त खेलमा ह्याट्रिक गरेका स्टार शैलुङका रविन श्रेष्ठ म्यान अफ द म्याच भएका थिए । खेलाडी श्रेष्ठलाई शैलुङ गाउँपालिका-३ का वडाध्यक्ष ध्रुव कुमार श्रेष्ठले ट्रफी हस्तान्तरण गरेका थिए ।

शनिबार समय अभावका कारण रोकिएका सुनौलो चण्डीडाँडा भुसाफेदा र मागापौवा युथ क्लब बीचको पेनाल्टी सुटआउट आइतबार बिहान् सम्पन्न भएका थिए । उक्त पेनाल्टी सुटआउटबाट सुनौलो चण्डी भुसाफेदा क्वाटरफाइनलमा प्रवेश गरेको छ ।

प्रथम शैलुङ कपको सोमबार नै क्वाटरफाइनलका ४ खेलहरू खेलाइने आयोजकले सैलुङअनलाइनलाई जानकारी दिए ।

क्वाटरफाइनलको पहिलो खेल बिहान ९ बजे सुनौलो चण्डी डाँडा भुसाफेदा क्लबले नव शैलुङ ए विरुद्ध खेल्नेछन् । बिहान ११ बजे बाई पाएर बसेका फेदाली टोलीसँग खडादेवी समाज सेवा क्लब भीड्नेछन् ।

त्यसैगरी स्टार शैलुङ क्लबले बाई पाएर बसेका काटाकुटी फुटबल क्लबसँग अपराह्न १ बजे भीड्नेछन् भने ३ बजे शैलुङ स्पोर्ट्स क्लब रामेछाप र नव शैलुङ (बी)का बीचमा खेल हुनेछन् ।

प्रतियोगिता शैलुङ गाउँपालिकको साझेदारीमा स्टार शैलुङ क्लब, नव शैलुङ लालीगुराँस समाज र खडादेवी समाजले संयुक्त रूपमा आयोजना गरेको हो ।

सम्बन्धित समाचार

शैलुङ कप अपडेट:आयोजक बीसँगै शैलुङ स्पोर्ट्स क्वाटरफाइनलमा

•प्रथम शैलुङ कप उद्घाटन, आयोजक ए क्वाटरफाइनलमा

•प्रथम शैलुङ कप शुक्रबार उद्घाटन हुने, फेदाली र काटाकुटी क्वाटरफाइनलमा

तपाईलाई कस्तो महसुस भयो ?
+1
0
+1
0
+1
0
+1
0

तपाईको प्रतिक्रिया

पत्रपत्रिका