नेपाल तामाङ समाज पोर्तुगलले निवर्तमान अध्यक्ष एवं सल्लाहकार सुजन लामालाई निस्कासन गरेको छ । तामाङ समाजले विज्ञप्ति जारी गरेर साधारण सदस्यसमेत नरहने गरि निस्कासन गरेको जनाएको छ ।
विज्ञप्तिका अनुसार सल्लाहकार लामालाई तामाङ समाजको विधानको परिच्छेद ६ ‘उ’ वुदा २ को अधिकारलाई प्रयोग गरि निस्कासन गरिएका हुन् । निस्कासन भएका सुजन लामा सन् २०२१/२०२३ कार्यकालका अध्यक्षसमेत हुन् ।
तामाङ समाज पोर्तुगालले निकालेको विज्ञप्तिमा ` भूतपूर्व अध्यक्ष तथा वर्तमान सल्लाहकार श्री सुजन लामाले यस समाजमा विखण्डन ल्याउने, आफ्नो पदिय मर्यादा र गरिमाको ख्याल नराखी अमर्यादित क्रियाकलापहरुको नेतृत्व गर्दै गुट- उपगुट व्यक्तिको चरित्र हत्या गर्ने देखि लिएर वैधानिक रुपमा निर्वाचित भएको कार्यसमितिलाई असहयोग गर्ने कार्यसमितिका वर्तमान सदस्यहरुलाई डर धम्की तथा त्रास देखाइ कार्यसम्पादन गर्न असहयोग र बाधा पर्ने वातावरण सृजना गर्ने ´ गरेको उल्लेख छ ।
त्यस्तै पोर्तुगलमा तामाङ समाज हुदाहुदै घेदुङ गठन गरेर समाज भाँड्न लागेको समाजका सल्लाहकार एवं क्रोएसिया तामाङ समाजका संरक्षक दावा लामाले बताए । उनका अनुसार तत्कालीन समयमा समाज गठन गर्न अहिले पोर्तुगल बाहिर बसोबास गर्ने तामाङहरुको ठूलो योगदान रहेकाछन् । ` अहिले हामी पोर्तुगलभन्दा बाहिर रहेर आआफ्ना व्यवसायमा व्यस्त छौं, सन् २०११ मा तामाङ समाज गठन गर्न संघर्षनै गर्नुपर्यो´ सल्लाहकार दावा लामाले भने,` त्यो संघर्षबाट स्थापित समाजलाई तितरबितर पार्न लागेको निवर्तमान तामाङ समाज पोर्तुगलका अध्यक्ष विरुद्ध हदैसम्मको कारबाहीमा हामी लागिपरेका छौं ।´सल्लाहकार दावा लामाका अनुसार तत्कालीन समयमा तामाङ समाज गठन गर्न संघर्ष गर्नेहरू सबै अहिले पोर्तुगाल नागरिक हुन् । अहिले निवर्तमान अध्यक्ष सुजनलाई निस्कासन गरेको मात्र गरेको सल्लाहकार लामाले बताए ।
तामाङ गैर तामाङ बुद्धिजीवीहरुले संघसंस्थालाई बिभाजन गर्नु नहुने प्रतिक्रिया दिइरहेका छन् । समाज परिवर्तनका लागी एकताको ठूलो बल हुने बुद्धिजीवीहरुको भनाई छ ।
कारबाहीमा परेका लामाको नेतृत्वमा केहि दिनअघि नेपाल राष्ट्रिय तामाङ घेदुङ पोर्तुगाल गठन गरेका थिए । तामाङ समाज हुदाहुदै घेदुङ अस्तित्वमा आएपछि पोर्तुगल पुगेका तामाङहरु रनभुल्लमा परेका छन् ।
विज्ञप्ति :
