म्याग्दी प्रवासी नेपाली संघ राष्ट्रिय कार्यकारी समिति (मोना) क्रोएसियाले दोस्रो मोना भलिबल कप तथा भाग्यशाली चिट्ठा आयोजना गर्ने भएको छ । मोना क्रोएसियाले यहि नोभेम्बर ९ र १० तारीख द भलिबल कप आयोजना गर्न लागिएको हो ।
मोना क्रोएसियाका अनुसार भाग्यशाली चिट्ठा भनेको भलिबल कपको फाइनलको दिन खोलिने अध्यक्ष रुपेश सुन्दासले बताए । उनका अनुसार भलिबल कपका लागी टिम दर्ता गर्न १७० युरो तोकिएका छन् । भलिबल प्रतियोगिता क्रोएसियाको जाग्रेबमा हुने अध्यक्ष सुन्दासको भनाई छ ।
त्यसैगरी भलिबल कपको बिजेताले १ हजार १० युरो, कप, मेडल र प्रमाणपत्र पाइने मोना क्रोएसियाका बरिस्ठ सल्लाह रामकृष्ण शर्माले जानकारी दिए । उनका अनुसार उपविजेताले ६ सय ६ युरो, कप, मेडल र प्रमाणपत्र पाइनेछ ।
उपविजेताले पाइने पुरस्कारको व्यवस्थापन मार्केट बस्केट (market basket) ले गरेको आयोजकले जनाए । आयोजक अनुसार मार्केट बस्केट (market basket) कार्यक्रमका मुख्य प्रायोजक हुन् । त्यस्तै कार्यक्रमका लागि क्रोएसियामा रहेका विभिन्न संघसंस्थासँग सहकार्य गरेको आयोजकको भनाई छ ।
सन् २०२३, मा गठित मोना क्रोएसियाले यसअघि भलिबल कप, सांस्कृतिक कार्यक्रम लगायत गरिसकेका छन् । मोना क्रोएसियाले विभिन्न क्षेत्रका पीडितहरुलाई आर्थिक सहयोगसमेत गर्दै आएका छन् ।
