म्याग्दी प्रवासी नेपाली संघ राष्ट्रिय कार्यकारी समिति (मोना)क्रोएसियाद्वारा आयोजित दोस्रो भलिबल कप आयोजकले जितेको छ । आयोजक ए टिमले पश्चिम राप्तीलाई हराउँदै जीत निकालेको हो ।
त्यसैगरी भलिबल प्रतियोगिता मोना क्रोएसियाले यहि नोभेम्बर ९ र १० तारीख आयोजना गरिएका हुन् । आयोजक रहेका मोनाले विजेता बनेसँगै १ हजार १० युरो, कप, मेडल र प्रमाणपत्र हात परेका छन् । त्यस्तै उपविजेता पश्चिम राप्ती क्रोएसियाले ६ सय ६ युरो, कप, मेडल र प्रमाणपत्र पाएका हुन् ।
प्रतियोगिताका विजेता, उपविजेता र उत्कृष्ट खेलाडीहरुलाई कार्यक्रमका प्रमुख अतिथि एनआरएन क्रोएसियाका सल्लाहकार कमलमान गुरुङ, विशेष अतिथि मार्केट बास्केटका प्रोपाइटर, मोनाका सल्लाहकार रामकृष्ण शर्मा र तेज सुन्दासले पुरस्कर वितरण गरेका थिए ।
त्यसैगरी भलिबल प्रतियोगिताका मोना क्रोसियाका उत्कृष्ट खेलाडी बिमल सुनार, उत्कृष्ट स्पाइकर राप्तीका अनिल क्षेत्री, उत्कृष्ट सेटर मोनाका पुस्कर मगर र त्यस्तै अर्का स्पाइकर मोनाका नबिन मगर भएका छन् । प्रतियोगिताको उत्कृष्ट प्रशिक्षक भने मोनाका तेज सुन्दास भएका हुन् ।
प्रतियोगितामा मध्यपश्चिम राप्ती, बाग्लुङ्ग समाज, गण्डकी, पश्चिम नेपाल बी, मोना सेतो, दुब्रभक(DUBRAVAC TEAM,) सुदुरपश्चिम, पश्चिम नेपाल ए, नवलपुर, मोना निलो र रामेछाप गरी ११ टिमले सहभागी जनाएका हुन् ।
भलिबल प्रतियोगिताका प्रमुख प्रायोजक मार्केट बास्केटले उत्कृष्ट खेलाडीलाई समेत नगद पुरस्कर र घ्यू वितरण गरेको अध्यक्ष रुपेश सुन्दासले बताए । उनका अनुसार क्रोसियामा रहेका नेपालीहरुबीच भलिबल खेलले एकता र सहकार्यलाई प्रभावकारी बनाएका छन् ।
मोना क्रोएसियाले यो भलिबल कपसँगै हालसम्म ९ पटक उपाधी उचाली सकेका छन् ।
कार्यक्रममा मोना क्रोएसियाद्वारा आयोजित भाग्यशाली चिट्ठा विजेताहरुलाई समेत पुरस्कर वितरण गरेको थियो ।
थप यो पनि
मोना क्रोएसियाको दोस्रो भलिबल कप नोभेम्बर ९ र १० तारीख हुने
मोना क्रोएसियाको वार्षिकोत्सबमा गायक प्रकाशको बेजोड प्रस्तुति
मोना क्रोएसियाको तीज कार्यक्रममा प्रकाश दुतराजको बिशेष प्रस्तुति
