क्रोएसियामा नेपाली कथानक चलचित्र `१२ गाउँ´ आज (आइतबार) प्रदर्शन हुने भएको छ । चलचित्र १२ गाउँ आज सेस्भेन्ते सेन्टरमा प्रदर्शन हुन लागेको हो ।
चलचित्र १२ गाउँको बिहान ११.१५ दिउँसो २.३० र साँझ ५.३० गरि तीन शो प्रदर्शन हुनेछन् ।
त्यस्तै चलचित्र `१२ गाउँ´को टिकट १० युरो तोकिएको प्रदर्शनकर्ताले जानकारी दिए । `१२ गाउँ´ चलचित्रको टिकटका लागि मोबाइल नम्बर (+385-916076942 ) र (+385976506715) मा कल वा व्हाट्सप गर्न सक्नेछ । चलचित्रको टिकट हलमा समेत पाइने प्रदर्शनकर्ताको भनाई छ ।
चलचित्रलाई क्रोएसियामा साथी डिजिटल र लामा ब्रदर्स (संजय ट्रान्सपोर्ट)ले प्रदर्शन गर्न लागेका हुन् । क्रोएसियाको महत्त्वपूर्ण छुट्टीको अवसर पारेर `१२ गाउँ´देखाउन लागिएको प्रदर्शनकर्ताको भनाई छ ।
वर्षभरि काममै व्यस्त रहेका नेपालीहरुलाई एकदिन भएपनि मानसिक तनाव कम गराउने उदेश्यले चलचित्र देखाउन लागिएको साथी डिजिटलका संचालक गगन तामाङले बताए । उनका अनुसार व्यावसायिकभन्दा पनि चलचित्रलाई नेपालीपनका लागि प्रदर्शन गर्न लागिएका हुन् ।
त्यसैगरी लामा ब्रदर्स (संजय ट्रान्सपोर्ट)का संचालक संजय तामाङले चलचित्र प्रदर्शनले मनोरञ्जनसँगै नेपालीहरुबीच आत्मीयता बढ्ने बताए । चलचित्र हेर्नू भनेको सांस्कृतिक, संस्कारको संरक्षण पनि भएकाले हालसम्म जानुपर्ने संचालक तामाङको भनाई छ ।
नेपाली चलचित्र क्रोएसियासम्म ल्याउन काठमाडौं मार्टका संचालन कमलमान गुरुङले बिशेष सहयोग गरेको प्रदर्शनकर्ताहरुले बताए । यसअघि काठमाडौं मार्टले आधा दर्जन नेपाली चलचित्र क्रोएसिया ल्याइसकेका छन् ।
चलचित्रमा बिराज भट्ट, समीर भट्ट, मुरलीघर, न्यान्सी खड्का, सनिसा भट्टराई, दीया मास्के, कालु राना, सुलेमान शँकर (इकु)सहितको मुख्य भूमिका रहेको छ । एक्सन प्रधान मानिएको १२ गाउँले दक्षिण भारतीय चलचित्रले जस्तै छाप छोडेको कथन छ ।
विशेष गरेर विभिन्न इलेक्ट्रोनिक (electronic gadget) र अनलाइन सम्बन्धी विभिन्न काम गरिरहेका साथी डिजिटलले पछिल्लोपटक मोबाइल मर्मतलाई पनि अघि सारेको संचालक गगन तामाङले बताए । संचालक तामाङका अनुसार साथी डिजिटलले चलचित्र प्रदर्शनमा पहिलोपटक हात हालेका हुन् ।
त्यस्तै साथी डिजिटलसँग सहकार्य गरेका लामा ब्रदर्स(संजय ट्रान्सपोर्ट) ले यूरोपका विभिन्न ठाँउहरुमा भ्रमणका लागि यातायातको सुबिधा दिदै आइरहेको छ । लामा ब्रदर्सका संचालक संजय तामाङका अनुसार क्रोएसियामा कार्यरत नेपालीहरुलाई पासपोर्ट नवीकरणका लागि अष्ट्रीया जान र फर्किनसमेत यातायात सेवा दिदै आइरहेका छन् ।
थप यो पनि
