क्रोएसियाको भराजदिनमा संचालित नेपाली गोर्खा मार्टले चामलमा १०% छुटको साथै स्न्याक्समा (Buy One, Get One Free) एउटा किन्दा एउटा नि:शुल्क दिने अफर ल्याएको छ । गोर्खा मार्टका संचालक सुजन पौडेलका अनुसार, ५ केजीका प्याकेटका रअ राइस र बोइल्ड राइस मा १०% छुट दिइएको छ ।
स्न्याक्सतर्फ लेज, कुर्कुरे लगायतका उत्पादनहरुमा एउटा किन्दा अर्को नि:शुल्क (Buy One Get One Free) अफर उपलब्ध भएको संचालक पौडेलले बताए । उनका अनुसार, भराजदिन, चाकोभेच र इभानेचमा प्रत्येक शनिबार नि:शुल्क होम डेलिभरी सेवा प्रदान गरिरहेको छ । त्यस्तै गोर्खा मार्टबाट २०० युरोभन्दा माथिको किनमेल गरेमा क्रोएसियाभरि निशुल्क डेलिभरीको सुविधा पनि रहेको संचालकहरुको भनाई छ ।
गोर्खा मार्टका अर्का संचालक साइमान लामाका अनुसार, व्यवसायको उद्देश्यले नाफाभन्दा बढी सेवा प्रदान । उनले भने, “यहाँ रोजगार, घुमघामका लागि आउने नेपालीहरुलाई नेपाली उत्पादन उपलब्ध गराउन गोर्खा मार्ट स्थापना गरेका हौं । स्वच्छ प्रतिस्पर्धाको माध्यमबाट व्यवसाय फस्टाउनुपर्ने हाम्रो धारणा छ्।”
हाल क्रोएसियामा लगभग ३० हजारभन्दा बढी नेपाली कार्यरत रहेको अनुमान गरिएको छ । यसले गर्दा, पछिल्लो समयमा नेपाली व्यवसायीहरुले मार्ट, रेस्टुरेन्ट, होस्टेल, शैलुन, मोबाइल पसल लगायतमा लगानी बढाइरहेका छन् । राजधानी जाग्रेबमा काठमाडौं मार्ट, साबरिया अनलाइन मार्ट, काठमाडौं लाइफ र अन्य मार्टहरु संचालनमा रहेका छन् । भराजदिनमा भने गोर्खा मार्ट र बुद्ध मार्टले आफ्नो पहिचान बनाएका छन् ।
थप यो पनि
गोर्खा मिडियाको सहकारीबाट ऋण लिने प्रक्रियामा म संलग्न छैन- गृहमन्त्री लामिछाने
