नेपाल तामाङ घेदुङ साउदी अरेबियाले सोनाम ल्होछार कार्यक्रम भब्य रुपले सम्पन्न गरेको छ । तामाङ घेदुङ साउदीले जनवरी २४ तारीख तामाङ समुदायको महान पर्व मन्जुश्री संवत २८६१, डुल( सा- पुख्रि ) ल्हो अर्थात (सर्प वर्ग) सोनाम ल्होछार मनाइएको हो ।
साउदीमा रहेका लामागुरु किरण घिसिङद्वारा पूजापाठ र ताम्बाको (साङ सेर्गेम) गरेपछि कार्यक्रम सुरु भएको थियो । कार्यक्रमलाई बृहत बनाउन अन्य झाँकीहरु समेत प्रस्तुत गरेको थियो । कार्यक्रममा ताम्सालिङ अंकित झण्डा लगायत अन्य सामाग्रीहरु झल्केका थिए ।
त्यस्तैगरी कार्यक्रमका प्रमुख अतिथि साउदीका लागि नेपाली राजदूत डा.नरेश बिक्रम ढकालले नेपाल बिबिधताले भरिएको देश भएको बताउदै सोनाम ल्होछारको शुभकामना दिए । उनले तामाङ समुदाय साँस्कृतिको धनी भएको बताए ।
कार्यक्रममा नेपाली दूतावासका प्रथम सचिव टीकाराम उपाध्याय पौडेललाई दोसल्ला ओढाएर सम्मान गरेका थिए । उनले साउदीमा मृत्यु भएका मृतकका परिवारलाई बिमा दिलाउन बिशेष सहयोग गर्दै आएको छ । सम्मानित भएका प्रथम सचिव पौडेलले (Gosi) गोसी अर्थात इन्स्योरेन्स कम्पनी मार्फत पाउने रकम मृतकको आफन्तसम्म पुर्याउन अहोरात्र खटिरहेका छन् ।
कार्यक्रमलाई नेपालबाट आमन्त्रित गायक रोज मोक्तान र सुमिना लो को प्रस्तुतिले मनोरञ्जनात्मक बनाएका थिए । त्यस्तै साउदीमै रहेका गायक रोम ब्लेन्देन तामाङको प्रस्तुतिले थप बृहत बनाए । त्यसैगरी स्थानीय कलाकारहरुको बेजोड प्रस्तुतिले ल्होछार कार्यक्रममा रौनक थपे । कार्यक्रममा झन्डै १५ सय जना उपस्थित रहेका थिए ।
तामाङ घेदुङ साउदीका महासचिव नागेश तामाङले संचालन गरेका कार्यक्रमका सभापति नेपाल तामाङ घेदुङ साउदीका अध्यक्ष रुपक वाईबा तामाङ रहेका थिए ।
कार्यक्रममा वरिष्ठ उपाध्यक्ष अमृत घिसिङले स्वागत मन्तव्य राख्ने क्रममा तामाङ समुदायको हकहित, अधिकार र ताम्सालिङ प्राप्तिको लागी ढिक्का हुनुपर्ने बताए । उनका अनुसार तामाङहरु एक ढिक्का भएमा राज्यसत्ता घुडा टेक्न बाध्य हुनेछन् ।
थप यो पनि
तामाङ घेदुङ साउदीको ल्होछारमा रोज र सुमिना आउने
तामाङ घेदुङ साउदीले गरे रोज र सुमिनालाई स्वागत
तामाङ घेदुङ साउदीको ल्होछार तयारी पुरा, कार्यक्रम शुक्रबार हुने
नेपाल तामाङ घेदुङ साउदीको अध्यक्षमा अमृत घिसिङ
