रसुवा जिल्लामा राष्ट्रिय जनगणना २०७८ को तथ्यांक अनुसार ८७ प्रतिशत बालबालिकाको जन्म दर्ता भएको छ। जिल्लामा कुल ४ हजार ८ सय ५३ जना बालबालिका मध्ये ४ हजार २ सय ५८ जनाले (८७.७ प्रतिशत) जन्म दर्ता गराएका छन् भने ५ सय ९५ जनाले (१२.३ प्रतिशत) जन्म दर्ता गराएका छैनन्।
जनगणना अनुसार रसुवा जिल्लाको कुल जनसंख्या ४६ हजार ६ सय ८९ रहेको छ। केन्द्रीय तथ्यांक विभागले सार्वजनिक गरेको राष्ट्रिय जनगणना २०७८ अनुसार नेपालको साक्षरता दर ७६.३ प्रतिशत पुगेको छ।
राष्ट्रिय तथ्यांक कार्यालयको जनगणना २०७८ अनुसार रसुवामा ४ हजार परिवारको घरभित्र धारा रहेको छ भने ६ हजार ३ सय परिवारको घर परिसर बाहिर धारा रहेको छ। यसका साथै ७८ परिवारले खुल्ला ईनार, १० परिवारले ढाकेको ईनारबाट पानी खान्छन् भने ५ सय ३७ परिवारले मुल धाराको पानी खान्छन्। ६४ परिवारले खोलाको पानी पिउन र खाना पकाउन प्रयोग गरेको पाइएको छ।
जनगणना अनुसार जिल्लामा अपाङ्गता भएका व्यक्तिहरूको संख्या १ हजार २ सय ९३ जना रहेको छ। यसमध्ये पुरुष ७ सय १८ जना र महिला ५ सय ७५ जना रहेका छन्।
यसरी जिल्लामा बालबालिकाको जन्म दर्ता, पानीको स्रोत, र अपाङ्गता व्यक्तिहरूको अवस्था सम्बन्धी तथ्यांकहरू जनगणना २०७८ अनुसार सार्वजनिक भएको छ।
