आइलेन्स अंग्रेजी माध्यमिक विद्यालयले आफ्नो वार्षिक अभिभावक दिवस तथा ज्येष्ठ नागरिक सम्मान कार्यक्रम भव्यताका साथ सम्पन्न गरिएको छ।
शुक्रबार विद्यालयले अभिभावक दिवसको अवसरमा वडा नम्बर ८ का ज्येष्ठ नागरिकहरूलाई सम्मान गरिएका हुन् । विद्यालयले यस अवसरमा उनीहरूलाई सम्मान गर्दै उनिहरूको समाजमा गरेको योगदानलाई प्रशंसा गरे । विद्यालयले केवल शैक्षिक पाठ्यक्रममा मात्र नभई समाजका विभिन्न वर्गहरूसँग जोडिएर काम गर्ने प्रतिबद्धतालाई देखाएको थियो।
विद्यालयका कक्षा नर्सरीदेखि कक्षा ३ सम्मका विद्यार्थीहरूले नृत्य, संगीत, वाद्यवादन, टेक्वान्डो लगायतका विभिन्न अतिरिक्त क्रियाकलापहरू प्रस्तुत गरेका थिए। यसले विद्यार्थीहरूको सांस्कृतिक, शारीरिक तथा मानसिक विकासमा विद्यालयले दिने महत्वलाई उजागर गरेको थियो।
कार्यक्रममा विद्यालय व्यवस्थापन समितिका अध्यक्ष उद्धव धिमालको अध्यक्षता र गोकर्णेश्वर नगरपालिकाका उपमेयर सान्नानी लामाको प्रमुख आतिथ्य रहेको थियो। प्रमुख अतिथि लामाले विद्यालयको शैक्षिक गुणस्तर तथा अतिरिक्त क्रियाकलापमा उल्लेखनीय योगदान रहेको बताउँदै यस प्रकारका कार्यक्रमहरूले विद्यार्थीहरूको सर्वाङ्गिन विकासमा महत्वपूर्ण भूमिका खेल्ने उल्लेख गरिन्।
विद्यालयका प्रधानाध्यापक कृष्ण भण्डारीले कार्यक्रमबारे प्रकाश पार्दै विद्यालयले पढाइका अलावा विद्यार्थीहरूको सर्वाङ्गिण विकासको लागि इसिए (ECA), सिसिए (CCA) लगायत संस्कारयुक्त शिक्षामा उत्तिकै जोड दिएको बताए। उनले यस प्रकारका कार्यक्रमहरूले विद्यार्थीहरूमा नेतृत्व क्षमता, सामाजिक जिम्मेवारी तथा रचनात्मकता बढाउने विश्वास व्यक्त गरे।
कार्यक्रमलाई सफल बनाउन विद्यालयका शिक्षक, विद्यार्थी, अभिभावक तथा सम्पूर्ण व्यवस्थापन टोलीको महत्वपूर्ण योगदान रहेको थियो। विद्यालयले यसरी समाजका विभिन्न वर्गहरूसँग मिलेर कार्यक्रम आयोजना गरेकोमा सबैले प्रशंसा व्यक्त गरेका थिए।
कार्यक्रमले विद्यालयले विद्यार्थीहरूको शैक्षिक तथा सामाजिक विकासमा दिने महत्वलाई पुनः प्रमाणित गरेको छ। विद्यालयले अघि बढ्दै समाजका विभिन्न वर्गहरूसँग मिलेर यस्ता कार्यक्रमहरू आयोजना गर्ने प्रतिबद्धता जनाएको छ।
