शेर्पा किदुग क्रोएसियाले ग्याल्पो ल्होसार शुभकामना आदानप्रदानका कार्यक्रममा सांगीतिक एवं नृत्य प्रस्तुतका लागि सम्पर्क गर्न अनुरोध गरेको छ । किदुगले सूचना जारी गरेर सांगीतिक एवं नृत्य गर्न इच्छुकले सांस्कृतिक बिभाग प्रमुख तथा महासचिव मिङ्मा शेर्पालाई सम्पर्क गर्न अनुरोध गरेको हो ।
किदुग क्रोएसियाले यहि मार्च २ तारीख २१५२ औ सीङ मो डुल ल्हो ग्याल्पो ल्होछार मनाउन लागिएको छ । उक्त कार्यक्रमका लागि सांगीतिक एवं नृत्य प्रस्तुत दिन संस्थाका महासचिव शेर्पाको व्हाट्सप नम्बर (whatsaap +9779749738715) मा सम्पर्क गर्न आयोजकको सूचनामा भनिएको छ ।
कार्यक्रमका लागि नेपाल प्रदीप लामा बेल्जियमबाट सोनाम शेर्पा आउने छन् । त्यस्तै क्रोएसियामै रहेका गायक आङ फुर्बा शेर्पा, पासाङ शेर्पा लगायत अन्य स्थानीय कलाकारहरुको प्रस्तुति रहनेछन् ।
`ल्होसार कार्यक्रममा रातिको खाना (dinner) पनि उपलब्ध गराउने छौँ,´ शेर्पा किदुङ क्रोएसियाका अध्यक्ष निमा रिन्जेन शेर्पाले भने,` यहाँ (क्रोएसियामा) रहेका शेर्पा समुदाय लगायत अन्य दाजुभाइ तथा दिदिबहिनीले पनि टिकट खरिद गरेर कार्यक्रमलाई शोभा बढाइदिन अनुरोध छ ।´ कार्यक्रम जाग्रेबको प्रेच्को २,ए (precko2a) मा हुने अध्यक्ष शेर्पाको भनाई छ ।
ग्याल्पो ल्होसार कार्यक्रमको टिकट २० युरो तोकिएको छ । टिकटका लागि जाग्रेबको एभरेस्ट म:म, बुद्ध मार्ट, पोइड हब (poid hub) मोबाइल बनाउने ठाउँ, थोमस बार रेस्टुरेन्ट, हिमालयकरीका साथै शेर्पा किदुगका कार्यसमितिसँग सम्पर्क गर्नुपर्ने छ ।
शेर्पा समुदायले संस्थागत रूपमा ल्होसार मनाउन लागिएको क्रोएसियामा यो पहिलोपटक हो । यसअघि शेर्पा समुदायले व्यक्तिगत रूपमा ल्होसार मनाउँदै आएको थियो ।
क्रोएसिया सेन्जेन भएपछि नेपालीहरुको रोजगारीको गन्तव्य बनेको छ । सेन्जेन हुनुअघि खासै नेपाली नदेखिएको क्रोएसिया हाल ३० हजारभन्दा धेरै रहेको अनुमान गरिन्छ । युरोपको पोर्चुगाल धेरै नेपालीहरु क्रोएसियामा रहेको अनुमान गरिन्छ ।
थप यो पनि
क्रोएसियामा ग्याल्पो ल्होसारको तयारी पूरा, टिकट २० युरो
क्रोएसियामा शेर्पा किदुग गठन, अध्यक्षमा निमा रिन्जेन
शेर्पा किदुगले पहिलोपटक क्रोएसियामा ल्होसार मनाउँदै
