तीनकुनेमा भयवाह स्थिति सिर्जना भएपछि कर्फ्यु आदेश जारी, यी स्थानमा कर्फ्यु

राजतन्त्र पुनर्स्थापनाको माग लिएर प्रदर्शनमा उत्रिएहरु प्रहरीसँग दोहोरी झडप भएपछि अहिले कर्फ्यु घोषणा गरेको छ ।

शुक्रबार तीनकुने क्षेत्रमा राजावादी समूहले गरेको प्रदर्शन हिंसात्मक बनेपछि कर्फ्यु घोषणा गरेको हो । कोटेश्वर, तीनकुने र सिनामंगल क्षेत्रमा कर्फ्यु जारी गरिएको जिल्ला प्रशासन कार्यालयले जनाएको छ । सुरक्षाकर्मी माइकिङ गरिरहेका छन् । अर्को आदेश हुँदासम्म कर्फ्यु जारी रहनेछ ।

प्रहरीले माइकिङ गरेर सुरक्षित स्थानमा बस्न आग्रह गरेको छ ।

स्थिति नियन्त्रणबाहिर हुन पुगेकाले निषेधाज्ञा जारी गरिएको जिल्ला प्रहरी परिसर काठमाडौँका प्रमुख एसएसपी विश्वराज अधिकारीले जानकारी दिए ।

आन्दोलनले उग्र रुप लिएपछि प्रहरी र प्रदर्शनकारीहरु घाइते भएका छन् । स्थिति तनावग्रस्त छन् ।