नेपाली समाज क्रोएसिया दूब्रोनिकले नेपाली नयाँ वर्षको अवसर पारेर शुभकामना आदानप्रदान कार्यक्रम गर्ने भएको छ । समाजले यहि आइतबार अप्रिल १३ तारीख एक कार्यक्रमको आयोजना गरि शुभकामना आदानप्रदान गर्न लागिएको हो ।
कार्यक्रममा बिशेष प्रस्तुति दिन जर्मनबाट गायक तुल्सी सिवाकोटी आउने आयोजकले जानकारी दिए । गायक सिवाकोटीसँगै कार्यक्रममा गायक बिकास मेचे, गायिका सुनिता विश्वकर्मा र गायक केशब खत्री लगायतले प्रस्तुति दिने आयोजकको भनाई छ ।
दिउँसो ३ बजेबाट शुरु हुने कार्यक्रममा बुद्ध व्यान्डको समेत प्रस्तुति रहनेछन् । त्यस्तै कार्यक्रममा बेलुकाको खानाको समेत व्यवस्थापन गरेको आयोजकले बताए ।
एनआरएन क्रोएसियाका अध्यक्ष साइमान लामा प्रमुख अतिथि रहने कार्यक्रम दूब्रोनिकको (CRKVA-SV. HILAR) मा हुने भएको हो । कार्यक्रममा प्रवेश शुल्क (टिकट) १५ युरो लाग्ने आयोजकको भनाई छ ।
क्रोएसियाका दूब्रोनिक पर्यटकीय स्थल हुन् । सिजनमा बिदेशी कामदारहरुले भरिभराउ हुने दूब्रोनिक अन्य बेला चहलपहल कमै हुने गर्छ ।
