बौद्ध धर्मगुरू गोसार टुल्कुको निधन

बौद्ध धर्मगुरू लामा ङावाङ तेन्पी ङिमा रिन्पोछे (गोसार टुल्कु)को आज असमायिक निधन भएको छ। टुल्कुको ८० वर्षको उमेरमा नागार्जुन नगरपालिका–१ रानीवन काठमाडौँ स्थित आफ्नै निवासमा निधन भएको हो ।

भोटेकोशी गाउँपालिका–१ बागाङ सिन्धुपाल्चोक स्थायी घर भएका टुल्कु रानीवन काठमाडौँमा बस्दै आएका थिए। लामाको एक छोरा र तीन छोरी छन्। उनको शव सात दिनपछि आफ्नै पुर्ख्यौली थलो सिन्धुपाल्चोक बागाङमा अन्तिम संस्कारका लगिने रानीवन निवासी पुण्यबज्र लामाले जानकारी दिए।