गायक मोहन राईको ‘मायाको खेल, आँशुको भेल…’ को म्युजिक भिडियो सार्वजनिक भएको छ । दिपेन्द्रनाथ शर्माको शब्द, शास शाक्यको एरेञ्जिङ र कन्काइस्ट राईको संगीत रहेको गीतमा युवाहरुबीचको प्रेम पीडा प्रस्तुत गरिएको छ ।
पेसाले चित्रकार बनेका आयुष्मानले प्रियंकाको मुहारचित्र उतार्नेदेखि डान्स बारको नृत्याङ्गानासम्ममा उनीकै अनुहार देख्न थाल्छ । आयुष्मानले प्रेम प्रस्ताव राख्ने बेलामा प्रियंका तर्किन्छिन् ।
निर्देशक राजेन्द्र महर्जनले प्रियंका र आयुष्मान जोडी वास्तविक प्रेमीप्रेमिकाको रुपमा उतारेका छन् । यी जोडीको साथमा डा. दिजन र कुसुमले पनि अभिनय गरेका छन् ।
सुमितराज भट्टले छायांकन गरेका भिडियोलाई विप्लव आर पोखरेलले सम्पादन गरेका हुन् ।
एल्बम ‘मायाको खेल’ मा भने आठ गीत छन् । परराष्ट्रमन्त्री प्रदिप ज्ञवालीको राष्ट्रिय भावको गीत ‘हिमालको पाखाभरि’ देखि व्याकुल माइला, दिनेश थपलिया, नवराज सिलवाल, राजा घले, मनु लोहरुङ राई, मुकेश राईसम्मका गीत समावेश छन् ।
संगीत शिखर सन्तोष, दिनेश सुब्बा, राजनराज शिवाकोटी र कृष्णभक्त राईले दिएका छन् ।
https://youtu.be/tBGibNmZf7I?t=318
