रामेछाप नगरपालिकाले आर्थिक बर्ष २०७६।०७७ को लागि नीति तथा कार्यक्रम प्रस्तुत गरेकोे छ ।
मंगलबार पाँचौ नगरसभामा उपप्रमुख सिर्जना खड्काले ६४ करोड २६ लाख ७३ हजारको बजेट प्रस्तुत गरेकी हुन् ।
सुनकोशी र लिखु नदी किनारको सिँचाइ योग्य ठाउँमा लिफ्ट सिँचाइ लागि आवश्यक बजेट विनियोजन गरिएको उपप्रमुख खड्काले बताइन् ।
नगरपालिकाले नगरभित्रका सहकारीमध्ये उत्कृष्ट छनोट गरी वर्ष सहकारी पुरस्कारको व्यवस्था गरिएको नीति तथा कार्यक्रममा उल्लेख छ ।
बजेटले मौसमी र वेमौसमी तरकारी बालीका लागि किटनाशक औषधीमा ५० प्रतिशत अनुदानको व्यवस्था गरेको छ ।
पुर्वाधार विकासतर्फ पुष्पलाल पार्कदेखि कोलोञ्जोरघाटसम्मको सडकलाई नगरको गौरवको योजनाको रुपमा निरन्तरता दिने नगरप्रमुख नरबहादुर थापा मगरले बताए ।
रामेछाप बजारमा व्यवस्थित हाट बजार र बसपार्कको निर्माण गर्ने नीति तथा कार्यक्रममा समावेश गरिएको छ ।
वातावरणतर्फ धुवाँ रहित सुधारिएको चुल्हो प्रवद्र्धन गरि महिलाको स्वास्थ्यमा सुधार ल्याउने भएको छ ।
कृषि औजारमा ६० प्रतिशत अनुदान दिने, एक घर एक पशु विमा कार्यक्रम सञ्चालन गर्ने र बर्थिङ सेन्टरहरुलाई व्यवस्थित गर्ने लगायतका कार्यक्रम अघि सारिएको छ ।
