सर्लाहीको हरिवनमा जारी प्रदेश नम्बर २ स्तरीय दोस्रो हरिवन मेयरकपको बुधबारको खेलमा बारा जिल्ला विजयी भएको छ । बुधबार सिरहा र बारा जिल्ला बीच भएको प्रतिस्पर्धामा बाराले सिरहालाई ३ – ० ले पराजित गरेको हो ।
खेलको १४ औं मिनेटमा बाराका खेलाडी सनम थापा मगरले गोल गर्दै टिमलाई सुरुवाती अग्रता दिलाएका थिए । एक गोलले पछि परेका सिरहा टिम खेलको लयमा फर्किन धेरै प्रयास गरे तर गोल गर्न भने सकेनन् । खेलको मध्यन्तर सम्ममा १ – ० ले पछि परेका सिरहा केही दबाबमा देखिए तर निकै सम्हालेर खेलेका सिरहाले केही राम्रा राम्रा अवसर गुमाउँदै गए ।
बाराका टिमले खेललाई सुधार्दै खेले पनि खेलको ७० औं मिनेटमा आफ्नै डिबक्स भित्र हेन्ड गर्न पुगेपछि बाराले पेनाल्टी पाएका थिए। सोही अवसरलाई रविन ढुंगानाले सजिलै गोल गर्दै अग्रतालाई दोब्बर बनाए । त्यस्तै खेलको ७८ औं मिनेटमा विवश गुरुङले अर्को थप गोल गर्दै अन्तत ३ – ० को नतिजा निकाल्दै बारा विजयी भएको हो।
खेलको म्यान अफ दि म्याच बाराका सन्जय मगर घोषित हुदै नगद ५ हजार प्राप्त गरे आज बिहीवार खेल पर्सा जिल्ला र सप्तरी जिल्ला बीच दिउँसो ठीक ३ बजे सुखेपोखरी स्थित चतुर्भुजेश्वर जनता उमाविको खेल मैदानमा हुनेछ।
प्रतियोगिता विजेता टिमले नगद १ लाख ५० हजार शिल्ड मेडल र प्रमाणपत्र प्राप्त गर्नेछन भने उपविजेताले नगद ७५ हजार शिल्ड मेडल र प्रमाणपत्र प्राप्त गर्नेछन।
