दोलखाको धार्मिक तथा पर्याटकीय क्षेत्र कालिञ्चोक क्षेत्रमा हिमपात भएको छ । आज बिहानदेखि कालिञ्चोक, कुरी बजार, खरिढुङ्गा, शैलुङडाँडा लगायत उच्च भू-भागमा हिमपात हुँदा जनजीवनसमेत प्रभावित बनेको छ ।
हल्का वर्षासहित हिमपात हुँदा यहाँका डाँडाहरु सेताम्य देखिन थालेका छन् । यस यामको जाडो मौसम शुरु भएसँगै पहिलोपटक हिउँ परेको हो । हिमपात भएसँगै पर्यटन व्यवसायी उत्साहित बनेका छन् ।
कालिञ्चोक क्षेत्रमा सहज तरिकाले पुगी हिउँ खेल्न सकिने भएकोले आकर्षणको केन्द्र बनेको हो । तीन हजार ८४२ मिटरको उचाइमा रहेको कालिञ्चोकमा हिउँ खेल्न राजधानी तथा अन्य क्षेत्रबाट पर्यटक आउने गरेको होटल व्यवसायी हरि वलीले बताए । उले भने, “यहाँ हिउँ खेल्न र हेर्न पर्यटन आउने गर्दछन्, हिमपात हुनु राम्रो हो ।”
हल्का वर्षाले किसान पनि औधि खुशी भएका छन् ।
