सोमालियामा शक्तिशाली विस्फोट : कम्तीमा ७६ जनाको मृत्यु

सैलुङअनलाइन
सैलुङअनलाइन संवाददाता
0 Shares
सोमालिया

मोगादिसुको व्यस्त क्षेत्रमा शनिबार कारमा राखिएको शक्तिशाली वम विस्फोट हुँदा कम्तीमा ७६ जनाको मृत्यु भएको छ ।

मृत्यु हुनेमा केही स्थानीय तथा विश्वविद्यालयका विद्यार्थीसमेत रहेका सहयोगमा सहभागी एम्बुलेन्सका कर्मचारी अब्दुकादिर अब्दिरहमान हाजीले बताए । घटनामा कम्तीमा ७० जना घाइते भएका बताइएको छ ।

विष्फोट सोमालियाको राजधानी सहर मोगादिसुको दक्षिणपश्चिमको चोकमा भएको होे । उक्त स्थानमा सुरक्षा जाँचका लागि खडा गरिएको अस्थायी सुरक्षा पोस्ट र कर कार्यालयसमेत रहेकोले विष्फोटमा धेरै जनाको मृत्यु भएको एक प्रहरी अधिकारीले नाम उल्लेख नगर्ने शर्तमा बताए ।

घाइतेहरूको स्थानीय अस्पतालहरूमा उपचार भइरहेको र घाइतेमध्ये दर्जनौँको स्वास्थ्य अवस्था गम्भीर रहेकोले मृतक संख्या थप बढ्न सक्ने यहाँको प्रहरीले जनाएको छ ।

घटनास्थलमा कारका टुक्राहरू मात्र रहेका सामाजिक सञ्जाल तथा टेलिभिजनमार्फत सार्वजनिक दृष्यहरूमा देख्न सकिन्छ । भने सुरक्षाकर्मीहरूले घटनास्थल बरपरका क्षेत्रमा आक्रमणकारी लुकेका हुनसक्ने आशंकामा उनीहरूको खोजी गरिरहेको छ ।

मोगादिसुमा विद्रोही अल साबाब इस्लामिक समूहले पटकपटक आक्रमण गर्दै आएको छ । शनिबार भएको आक्रमण अल कायदाको सहयोगी संगठन अल साबाब इस्लामिक लडाकूले गराएको हो ।

प्रहरीका अनुसार घटनामा विद्यार्थी तथा टर्कीबाट सडक निर्माणका लागि खटिएका श्रमिक तथा केही इन्जिनियरहरूसमेत परेका छन् ।

तपाईको प्रतिक्रिया

पत्रपत्रिका