राष्ट्रिय लिगलाई टप्ने खेल भएको छ : राखेप उपाध्यक्ष तिम्सिना

राजु तामाङ प्रदेश नं. २- संवाददाता
सर्लाही
PHOTO:

नगरपालिकालाई स्मार्ट सिटी बनाउने लक्ष्य राखिरहँदा फुटबलको विकासको लागि पनि स्पोर्ट एकेडेमी तयार गर्न लाग्नुपर्नेछ । प्रदेश २ मा प्रदेश स्तरीय मेयरकपको समापनमा सम्बोधन गर्दै बुधबार राष्ट्रिय खेलकुद परिषदका उपाध्यक्ष पिताम्बर तिम्सिनाले प्रदेश स्तरीय दोस्रो मेयरकप नभई राष्ट्रिय लिग खेललाई टप्ने खेल भएको बताए ।

देशभरि नै खेलको पुर्वाधार विकासका लागि काम गरिरहेकोमा यस जिल्लालाई पनि राखेपले सहयोग गर्ने प्रतिबद्धता उनले व्यक्त गरे ।

दोस्रो हरिवन मेयरकपको उपाधि पर्साले उचालेको छ । फाइनलमा धनुषालाई हराउँदै पर्सा विजेता बनेको हो ।

अखिल नेपाल फुटबल महासंघका अध्यक्ष कर्मा छिरिङ शेर्पाले हरिवन नगरपालिकामा खेलकुदको राम्रो विकास हुन सक्ने सम्भावना देखिएको बताए । खेलकुदको विकासमा निरन्तर लाग्नसमेत आग्रह गरे ।

नगरपालिकाको सहयोगमा एन्फाले आउने केही महिनादेखि नै प्रत्येक शनिबार ग्रास रुट सञ्चालन गरिनेछ । १२ वर्ष भन्दा माथिकालाई राष्ट्रिय टिममा छनौटका लागि प्रयास गर्नेछ । फुटबलको विकासमा महत्त्वपूर्ण भुमिका खेलेकोमा हरिवन नगरपालिकालाई एन्फा डेमा सम्मान गरिने घोषणा समेत गरेको अध्यक्ष शेर्पाले जानकारी दिए ।

पुर्व खेलाडी सम्मानित

हरिवनमै रही फुटबलमा योगदान पुर्याएका पुर्व खेलाडीलाई आयोजकले सम्मान गरेको छ । पुर्व राष्ट्रिय खेलाडी जुमानु राईका पिता जितेन्द्रकुमार राई, लालबहादुर स्याङतान, जीवन पुलामी, मदन थापा, मिस्रीलाल चौधरी, सुमनतिलक संदाली, दिपक लामा, रतन भुजेललाई सम्मान गरेको हो ।

तपाईको प्रतिक्रिया