साउदीमा कोरोना नयाँ संक्रमित संख्या ४ सय २९ , कर्फ्यु यथावत

नवराज तामाङ
नवराज तामाङ संवाददाता
0 Shares
साउदी

साउदी अरेबियामा आइतबार नयाँ कोरोना संक्रमित ४२९ जना थपिएका छन् । विश्वव्यापी महामारीका रूपमा फैलिएका (कोभिड-१९) कोरोना भाइरस पछिल्लो तीन दिन यता साउदीमा साँढे तीन सयभन्दा माथि बढ्नेक्रम जारी रहेको छ ।

यहा कोरोना संक्रमित शनिबार ३८२, शुक्रबार ३६४, बिहीबार ३५५ जना थपिएका थिए । यसअघि दैनिक संक्रमित १५० जनाको हाराहारीमा भेट्टिदैं आएका थिए ।हालसम्म साउदीमा कुल संक्रमित ४ हजार ४ सय ६२ पुगेका छन् ।

साउदी अरेबियाले बुधबार बहराइनमा कार्यरत आफ्ना नागरिक सडक मार्ग प्रयोग गरेर ल्याएपछि नयाँ संक्रमित थपिएको स्थानीयहरुको अनुमान छ । यहा झन्डै एक दर्जन प्रान्तमा २४ घन्टा र बाँकी प्रान्तमा १५ घन्टा कर्फ्यु आदेश जारी छन् ।

कोरोनाबाट हालसम्म ७ सय ६१ जना संक्रमितको सफल उपचार गरि घर फर्काएको साउदी स्वास्थ्य मन्त्रालयका प्रवक्ता डा. मुहम्मद अल अब्दुलालीले जानकारी दिए । डा. अब्दुलालीका अनुसार साउदीमा मृत्यु हुनेको संख्या ५९ पुगेका छन् । ‘ संक्रमित संख्या खाडी क्षेत्रमा सबैभन्दा बढी साउदीमा देखिएको छ,’प्रवक्ता अब्दुलालीले भने, ‘ मन्त्रालयले क्वारेन्टाइनमा रहेकाहरुको नियमित चेकजाँच गरिरहेको छन् ।’

उनका अनुसार कोरोनाको संकेत देखिएमा मन्त्रालयको टोल फ्री नम्बर ९३७ मा तुरुन्त फोन गर्नसक्ने छन् । प्रवक्ता डा. अब्दुलालीले ‘We are all responsible’ भन्ने नारालाई आत्मसात गरी कोभीड-१९ रोकथामका लागि सरकारले गरेका प्रयासलाई सबैले सहयोग गर्न आग्रह गरे ।

आइतबारनै साउदी सरकारले कर्फ्यु अर्को सूचना जारी नहुदासम्म यथावत राख्ने जनाएको छ । कोरोना संक्रमितहरुको संख्या बढ्दै गएपछि कर्फ्यु र सार्वजनिक यातायात जस्तैः हवाई जहाज, बस, ट्याक्सी लगायत बन्द यथावत निर्णय गरेका हुन् । सरकारले कोभिड-१९ संक्रमण रोकथामका लागि गत मार्च २३ मा कर्फ्यु जारी गरेका थिए । सार्वजनिक यातायात मार्च २१ देखि ठप्प छन् ।

त्यसैगरी कर्फ्यु उल्लंघन सम्बन्धी कुनै पनि भिडियो, भ्वाइस रेकर्ड, वा फोटोहरु सामाजिक सञ्जालमा नराख्न साउदीका लागि नेपाली राजदूत प्राडा. महेन्द्रसिंह प्रसाद राजपुतले आग्रह गरे । ‘ यहाँका सरकारले सुरक्षाका लागि जारी गरिएको मापदण्डलाई पालना गर्नुहोस्,’ अन्यथा १० हजार रियाल जरिवना र २० दिन जेल सजाय भोग्नुपर्छ ।’ उनले भने । उनका अनुसार कोरोना संक्रमित ४ जना नेपाली उपचार पश्चात् कम्पनीमा फर्किएका छन् ।

थप यो पनि

साउदीमा कोरोना संक्रमित संख्या ४ हजार नाघ्यो, ५२ जनाको मृत्यु

साउदीमा कोरोना संक्रमित बढ्नेक्रम जारी, आजै ३६४ थपिए

साउदीमा कोरोना नयाँ संक्रमित हालसम्मकै उच्च

साउदीमा ३ नेपालीको सफल उपचार, कोरोना संक्रमित २ हजार ९३२

साउदीको झन्डै एक दर्जन शहरमा कर्फ्यु लम्बियो

साउदीमा ४ नेपाली कोरोना संक्रमित

साउदीमा कोरोनाबाट २९ जनाको मृत्यु, संक्रमित संख्या २१ सय नाघ्यो

साउदीमा कर्फ्यु थपियो

साउदीमा कोरोना नयाँ संक्रमित दैनिक सयभन्दा बढी, १६ को मृत्यु

साउदीमा कोरोना संक्रमित १५ सय नाघ्यो, १० जनाको मृत्यु

साउदीमा कोरोनाबाट ८ जनाको मृत्यु, १३ सय संक्रमित

साउदीमा कोरोना हजार नाघ्यो, कर्फ्यु उल्लंघन गर्नेलाई १० हजार रियल जरिवाना

साउदीमा कोरोना नयाँ संक्रमित २०५ भेटिए, १ को मृत्यु

कोरोना भाइरस: साउदी अरेबियामा पनि कर्फ्यु घोषणा

साउदी अरबमा नेपालीलाई आवतजावतमा रोक

साउदीद्वारा अन्तर्राष्ट्रिय उडानमा रोक, कोरोना संक्रमित ८६पुग्यो

साउदीमा कोरोना संक्रमितको संख्या ४५पुग्यो, ५०भन्दा धेरै देशको उडानमा रोक

साउदीमा कोरोना: उच्च सतर्कता अपनाउन दूतावासको अपिल

खाडीमा कोरोना संक्रमण बढ्दो, नेपालीलाई सतर्क रहन आग्रह

तपाईको प्रतिक्रिया

पत्रपत्रिका