दोलखामा तीन आर्थिक वर्षको अवधिमा सय भन्दा बढीले गरे आत्महत्या

आत्महत्या गर्नेमा महिलाभन्दा बढी पुरुष

सैलुङअनलाइन संवाददाता
दोलखा
सांकेतिक तस्विर

दोलखामा तीन आर्थिक वर्षको अवधिमा एक सयभन्दा बढीले आत्महत्या गरेका छन् । आर्थिक वर्ष २०७३/०७४ देखि गत आर्थिक वर्ष २०७४/०७५ सम्म एक सय ४६ जनाले आत्महत्या गरेको दोलखा प्रहरीले जनाएको छ ।

विष सेवन, झुण्डिएर र हामफालेर आत्महत्या गर्ने मध्ये सबैभन्दा बढि ९९ जनाले झुण्डिएर आत्महत्या गरेका छन् । त्यसैगरी ४२ जनाले विष सेवन र ५ जनाले हामफाली आत्महत्या गरेको जिल्ला प्रहरी कार्यालय दोलखाका प्रहरी निरिक्षक प्रदिप महतले जानकारी दिए ।

तीन आर्थिक वर्षको अवधिमा सबैभन्दा बढी आर्थिक वर्ष २०७४/०७५ मा ६२ जनाले आत्महत्या गरेका छन् । त्यसैगरी गत आर्थिक वर्ष २०७५/०७६ मा ४५ जना र २०७३/०७४ मा ३९ जनाले आत्महत्या गरेका छन् ।

गत आर्थिक वर्ष सबैभन्दा बढी झुण्डिएर २९ जनाले आत्महत्या गरेका छन् भने १२ जनाले विष सेवन र ४ जनाले हाम फाली आत्महत्या गरेका थिए । आत्महत्या गर्नेमा महिलाभन्दा बढी पुरुष रहेका छन् ।

घरेलु हिंसा, आर्थिक समस्या, बेरोजगारी, डिप्रेशन लगायतका कारण आत्महत्या गर्नेको संख्या वृद्धि भएको प्रहरी निरीक्षक महतले बताए ।

तपाईको प्रतिक्रिया