साउदीमा १४ सय कोरोना निको, बाँकी कहाँ-कहाँ उपचार हुँदै?

कुल कोरोना निको हुनेको संख्या दुई लाख ५३ हजार नाघ्यो

नवराज तामाङ
नवराज तामाङ संवाददाता
साउदी अरेबिया

साउदी अरेबियामा कोरोना भाइरस (कोभिड-१९) संक्रमित कुल दुई लाख ८९ हजार ९४७ जना पुगेका छन् । उक्त संख्यामा हालसम्म कोरोना संक्रमित पुष्टि भएको स्वास्थ्य मन्त्रालयका प्रवक्ता डा.मोहम्मद अल अब्दुलीले बताए । उनकाअनुसार सोमबार मात्र १ हजार २५७ जना नयाँ कोरोना संक्रमित थपिएका हुन् ।

प्रवक्ता डा.अब्दुलीले सोमबारसम्म उक्त संख्यामा कोरोना संक्रमित पुष्टि भएको नियमित पत्रकार सम्मेलनमा जानकारी दिएको हो । कुल संक्रमितमध्ये यहाँको विभिन्न अस्पतालहरुमा अझै ३३ हजार २७० जना विशेष उपचार लिइरहेको प्रवक्ता डा.अब्दुलीले बताए । प्रवक्ताका अनुसार १ हजार ८२४ जना भने गम्भीर अवस्थामा उपचाररत छन् ।

त्यसैगरी सोमबारसम्म कोरोना भाइरसका कारण ३ हजार १९९ जनाको मृत्यु भैसकेको प्रवक्ता डा.अब्दुलीले बताए । तीमध्ये हालसम्म चार दर्जनभन्दा बढी नेपालीको कोरोनाबाट मृत्यु भएको विशेष स्रोतको दावी छ , भने प्रवक्ताकाअनुसार आजै मात्रै कोरोनाको उपचार गरिरहेका ३२ जनाको मृत्यु भएका छन् ।

यहाँ झन्डै दुई हप्तादेखि कोरोना उपचारपछि निको हुनेको संख्यामा निरन्तर वृद्धि भइरहेको प्रवक्ता डा.अब्दुलीले पत्रकार सम्मेलनमा बताए ।


सोमबार यहाँ १ हजार ४३९ जना कोरोना भाइरसको उपचारपछि घर फर्किएको प्रवक्ता डा.अब्दुलीले बताए । उनकाअनुसार हालसम्म साउदीमा कोरोनाको उपचारपछि घर कुल दुई लाख ५३ हजार ४७८ जना पुगेका छन् ।

आजको अपडेट अनुसार नयाँ संक्रमितभन्दा कोरोना भाइरसको उपचारपछि घर फर्किने १८१ जना बढी छन् । यहाँ कोरोना गत मार्च २ तारीखबाट सुरु भएको थियो ।

यहाँ कोरोनाको संकेत देखिएमा स्वास्थ मन्त्रालयको टोल फ्री नम्बर ९३७ मा फोन गर्नसक्ने प्रवक्ता डा. अब्दुलालीले बताए । ‘ We are all responsible ’ भन्ने नारालाई आत्मसात गरी कोभीड-१९ रोकथामका लागि सरकारले गरेका प्रयासलाई सबैले सहयोग गर्न प्रवक्ता डा.अब्दुलालीले आग्रह गर

हालसम्म साउदीको रियाद शहरमा सबैभन्दा धेरै ४ हजार ५५१ जना कोरोना संक्रमितको उपचार भइरहेको पत्रकार सम्मेलनमा प्रवक्ता डा.अब्दुलीले जानकारी दिए ।

उनकाअनुसार साउदीका जेद्दामा ३ हजार ६२०, स्टर्नमा २४३, हफुफ २ हजार ५७५, दमाम १ हजार ८०१, मदिना १ हजार ५६२, मक्का १ हजार ४९५, अल मुबाराज १ हजार २७०, नजरान ८७६,तैफ ७८७, अलबाहा ४२, ताबुक २७, नोर्ट्न बोर्डर १५ र अलजुफमा ७ जनामा कोरोना नयाँ संक्रमित पुष्टि भएका हुन् । जिजान ६३४, हफर अल बातीन ५९७, अल खोबार ५५२, अल कातिफ ५५२, बुरैद ५३६, यान्बु ४१७, आभा ४१६, खमिस मुसायद ४०७, हाइल ३५९, हाइल ३५७ र उनैज ३११ जनाको बिशेष उपचार गरिरहेका छन् ।

त्यसैगरी अल खर्च २९४, सबत अल अलयाह २७६, वादी एड दावासीर २६३, अल लिथा २५३, बायश २३५, दहराइन २२५, जुवेल २२४, अल कुनाफाद २२४ र ताबुक २०८ जनाको उपचार भइरहेका छन् । यहाँका अन्य शहरहरुमा २ सयभन्दा कम संख्यामा उपचार लिइरहेका छन् ।

त्यसैगरी साउदीमा नेपालीहरु कोरोनाबाट कति संक्रमित वा निको भएको तथ्यांक दूतावासले समेत यहाँको सरकारसँग तथ्यांक मागिरहेको बताउँछन् । दूतावासका अनुसार दैनिक जस्तो निको हुने र संक्रमित हुने भएकोले संख्या यकिन गर्न कठिनाइ भएका हुन् ।

थप यो पनि

घरविदा जान तयारी कृष्णबहादुरको साउदीमै अन्त्येष्टि

नेपाली दूतावास साउदीको पहलमा मृतकका परिवारलाई ब्लड मनी

साउदीबाट अगष्टमा २२ सयभन्दा धेरै स्वदेश फर्काइयो

साउदीमा दैनिक कोरोना संक्रमितभन्दा, निको हुनेको संख्या बढ्यो

तपाईको प्रतिक्रिया

पत्रपत्रिका