धनकुटामा भैरहेको गुरु दक्षिणा कार्यक्रम बिहीबार समापन गरिएको छ । कार्यक्रम रत्न सडेश्वर शिबालय मन्दिरमा समापन गरिएको हो ।
हिन्दु स्वयंसेवक संघ प्रदेश नम्बर १,ले आयोजना गरेको कार्यक्रममा धनकुटा नगरपालिका-१,की वडासदस्य फुलमाया विक, विश्व हिन्दु परिषदका अध्यक्ष दामोदर घिमिरे लगायत विभिन्न धार्मिक संघसंस्था, भजनकिर्तन समुह प्रतिनिधिहरुको उपस्थिति रहेका थिए ।
कार्यक्रममा हिन्दु स्वयंसेवक संघ पाख्रिबासका संयाेजक गुरु राज गाैतमले हिन्दुहरू प्रयोग गर्ने गर्ने, ध्वजा अर्थात झन्डा राख्दा हुने फाइदा तथा ध्वजाका महत्त्व र ॐ कार विषयमा भत्तजनहरूलाई जानकारी दिए ।
त्यसैगरी संघका अध्यक्ष विश्व नाथ दाहालले गुरु पुर्णिमा, गुरु दक्षिणाका विषयमा प्रकाश पार्दै ,संघले गुरु पुर्णिामा र गुरु दक्षिणालाई अत्यन्तै महत्त्वका साथ लिने गरेको बताए ।
