गायक ज्ञान लामाको दोस्रो सांगीतिक कोसेली ‘साइली बोर्सेवा माइली’ को भिडियो सार्वजानिक भएको छ । अभि लामा र अनिता गोले लामा फिचरिङ रहेको भिडियोलाई जिग्मे मिडियामार्फत सार्वजानिक गरिएको छ ।
नव गायक ज्ञान लामाको यो दोस्रो सांगीतिक कोसेली हो । ‘साइली बोर्सेवा माइली’ गीतमा गायक ज्ञानलाई चर्चित गायिका निर्मला घिसिङले स्वरमा साथ दिएकी छिन् । यसअघि नुवाकोटे मैच्याङ सेलो दोहोरी ल्याइसकेको छ ।
अभि लामाले निर्देशन तथा कोरियोग्राफी गरेको भिडियोलाई छायाँकन तथा सम्पादन सुर्य लामाले गरेको छ । कल्पना वाइबाको शब्द रहेको गीतमा गायक तथा संगीतकार युनिक दोङले संगीत भरेका छन् । एरेनज भने नोर्बु शेर्पाले गरेको छ ।
