नेपाल मगर संघ प्रवास शाखा साउदी अरबले संस्थापक कोषाध्यक्ष तथा प्रमुख सल्लाहकार खिम गर्बुजा मगरलाई बिदाई गरेको छ ।
मगर संघ साउदीले एक कार्यक्रमको आयोजना गरि संस्थापकमध्येका तत्काल कोषाध्यक्ष रहेको गर्बुजालाई बिदाई गरेको हो । गर्बुजा सोमबार रातीको दमाम-काठमाडौं हिमालय एयरलाइन्सको चार्टरउडानबाट नेपाल फर्किसकेका छन् ।
गर्बुजालाई यहाँ रहेका दिदिबहिनी समूह, किराँत राई यायोक्खा साउदी, जनमुक्ति पार्टीका प्रवास शाखा, एनआरटिएनसि लगायतले बिदाई कार्यक्रम आयोजना गरि बिदाई गरेको थियो । गर्बुजालाई उक्त संघसंस्थाहरुले यहाँ विभिन्न सामाजिक कार्यमा योगदान दिएका आधारमा सम्मान समेत गरेको थियो ।
सन् १९९४ मा साउदी अरेबियाका नेस्मा सिस्टर (NESMA SISTER)कम्पनी आएका गर्बुजा २६ वर्षपछि प्रवासको बसाइँलाई बिट मारेका हुन् । गर्बुजा जनमुक्ति पार्टीका प्रवास संगठनका बरिस्ठ सल्लाहकार हुन् , भने आदिवासी जनजाती महासंघका, एनआरटीएनसी लगायतमा संलग्न थियो ।
