‘साँखु मालपोत उपत्यकाकै दोस्रो प्रविधिमैत्री मालपोत’– मन्त्री अर्याल

काठमाडाैं
फाइल

भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले मन्त्रालय सेवा प्रवाह अन्तर्गत पर्ने भएकोले मन्त्रालय अन्र्तगतका कामकारवाही छिटोछरितो, आधुनिक, सुव्यवस्थित र सेवाग्राहीमैत्री बनाउँनका लागि प्रविधि ल्याएको बताइन् ।

सोमबार ‘साँखु मालपोत आधुनिक सुविधायुक्त मालपोत’ घोषणा कार्यक्रममा मन्त्री अर्यालले आधुनिक नेपाललाई सार्थक बनाउन प्रविधिले पनि सहयोग गर्ने बताइन् । ‘साँखु मालपोत उपत्यकाकै दोस्रो र नमुना हो, प्रविधिमैत्री मालपोत हो । अब फाइल बोक्नु पर्दैन, हामीले सिस्टम दिने हो । सबै डकुमेन्ट पेनड्राइभले नै गरिने छ ।’

‘सेवाग्राहीले नै कर्मचारीलाई पैसाको लोभ देखाएर कामकारवाहीमा उथलपुथल ल्याउने गरेका छ ।’ मन्त्री अर्यालले भनिन्, ‘बाहिरा सुशासनको कुरा गर्ने, भित्र सुशासनको धज्जी उडाउने ? अब प्रविधिले यसो दिने छैन । प्रविधिलाई असफल बनाउन सेवाग्राही र कर्माचारीलाई छुट हुने छैन ।’ मन्त्री अर्यालले थपिन्– ‘सिस्टम सुधारेर मात्रै हुँदैन मन मश्तिष्क सुधार्नु जरुरी छ ।’

यसैगरी प्रदेश नं. ३ का सांसद मनिराम फुँयालले कित्ताकाट बन्द र खुल्लाले जग्गा किनबेचमा समस्या आएको बताउँदै नीतिगत सुधार गर्नुपर्ने सुझाव दिए । उनले अपरतामाकोशीले १७ जनाको जग्गाको मुआब्जा छुटेकोले तुरुन्त फाइल अगाडी बढाउनसमेत अनुरोध गरे । यो आधुनिक मालपोतले सेवाग्राहीलाई सहजता थपेको बताए ।

संसाद सरिता न्यौपानेले आधुनिकीकरणले अब आफ्नो जग्गाको अवस्थाबारे घरमै बसीबसी जानकारी लिन सक्ने बताइन् । उनले थपिन, ‘मोबाइलबाटै घर जग्गा किनबेच गर्न सकिने प्रविधि आएको छ ।’

मन्त्रालयका सचिव गोपीनाथ मैनालीले देशभरका १ सय ३० मध्ये यो चौथो आधुनिक मालपोत भएको उल्लेख गर्दै उपत्यकाको भने दोस्रो रहेको बताए । सचिव मैनालीले थपे, ‘सेवाग्राहीलाई चुस्त पारदर्शी र सजिलोका लागि यो सेवा उपयुक्त रहेको छ ।’

शंखरापुर नगरपालिकाका नगरप्रमुख सुवर्ण श्रेष्ठले हदबन्दीले गर्दा जग्गा दर्ता र नामसारी गर्न सहज नभएको बताउँदै यो प्रविधिमैत्री मालपोतले सेवाग्राहीलाई सहज हुने विश्वास व्यक्त गरे ।

तपाईको प्रतिक्रिया

पत्रपत्रिका