सुत्र नै बनाउँ, मातहतको नजरमा नगिरौं : प्रधानमन्त्री ओली

सैलुङअनलाइन संवाददाता
काठमाडाैं

प्रधानमन्त्री केपी शर्मा ओलीले आफ्ना मातहतका व्यक्तिलाई स्वच्छ, पारदर्शी र गतिशिल बनाउन आह्वान गरिएको छ । आर्थिक बर्ष २०७६ /०७७ को बार्षिक कार्ययोजना प्रस्तुति एवं कार्यन्वयन सम्झौता हस्ताक्षर कार्यक्रममा बोल्दै बुधबार प्रधानमन्त्री ओलीले सो आह्वान गरेको हो ।
प्रधानमन्त्री ओलीले भने– ‘भ्रष्टाचार अन्त्य गर्न र सदाचारितालाई अवलम्बन गर्नका लागि सुत्र नै बनाउँ, मातहतको नजरमा नगिरौं । मातहतको नजरबाट गिर्नबाट जोगियो भने मान्छेले राम्रो काम गर्न सक्छ ।’

मन्त्री र सचिबहरुलाई कामलाई तिव्रता दिन र जेठ १५ मा बजेट ल्याउनुको उद्धेश्य आत्मसाथ गर्न आग्रह गरे । प्रधानमन्त्री ओलीले भने, ‘हामीले जेठ १५ मा बजेट ल्याएर असारभित्र पारित गर्ने परिपाटी किन सुरु गर्यौं भने साउनको सुरुबाट काम गर्न सकिन्छ भन्ने सोचले हो ।’ तर पहिले जस्तो फागुनतिर बल्ल ठेक्का सदर हुने ग¥यो भने फेरी ठेक्का लाग्दा नलाग्दा पानी पर्ने बेला हुन्छ । अब त्यस्तो हुनु हुदैन । समय खेर फाल्नु भएन, प्रधानमन्त्री ओलीले भने ।’

प्रधानमन्त्री ओलीले आफू र मन्त्रीहरुबीच कार्ययोजना सम्झौता भएकोले अब कामले तिव्रता लिने विस्वास व्यक्त गरेको छ । ‘मेरो र मन्त्रीजीहरुको बीचमा सम्झौतामा हस्ताक्षर भएको छ । अब मन्त्रीजी र सचिबहरुबीचको सम्झौता भएर कामको गतिले तिव्रता लिने विस्वास लिएको छु,’ प्रधानमन्त्री ओलीले भने ।

सरकार भ्रष्टचारीहरुका विरुद्धमा अभूतपूर्व ढंगले अघि बढेको प्रधानमन्त्री ओलीले बताउदै भ्रष्टाचारीहरुलाई मुद्धा चलाइएको छ । कारबाही दृढताका साथ अघि बढाइएको जनाए ।

कतिपय बेला संसदमा प्रतिपक्षीहरुले अनावश्यक रुपमा व्यवधान खडा गर्ने गरेको प्रसंग उल्लेख गर्दै प्रधानमन्त्री ओलीले भने– ‘हामीलाई रोक्ने र असफल बनाउने कुरा मञ्जुर छैन, लोकतन्त्रको रक्षा गर्ने र समुचित ढंगले अघि बढाउने कुरामा वर्तमान सरकार हामी दृढ छ ।’ प्रधानमन्त्री ओलीले जनताले स्थिरताका लागि बहुमत दिएकोले वर्तमान सरकार जनताप्रति उतरदायित्व भएर काम गर्ने बताएको छ ।

तपाईको प्रतिक्रिया

पत्रपत्रिका