स्याङ्जा सहयोग समाज साउदी अरबले मृगौला फेललाई आर्थिक सहयोग गरेको छ ।
समाजले वालिङ नगरपालिका-१४ को उपल्लो पेखु निवासी दिपक खवास(चुरा बहादुर )लाई ३६ हजार ४ सय ३० रुपैयाँ आर्थिक सहयोग गरेको हो ।
आर्थिकस्थित कमजोर भएकोले बिरामीको उपचारार्थ परिवारले सहयोग अनुरोध गरेपछि समाजले सहयोगका लागि अभियान चलाएको महासचिव टीका केसीले बताए ।
समाजका उपाध्यक्ष दिनेश श्रेष्ठ, सदस्य राजु श्रेष्ठ, क्षेत्रीय अध्यक्ष टीका राम भुसाल, सचिव काजी थापा, सदस्य राजन, दमामका क्षेत्रीय अध्यक्ष दिपक खाणको अगुवाइमा संकलन भएका आर्थिक सहयोग र समाजको आपतकालीन कोषबाट समेत थप गरी बिरामी महासचिव केसीले बिरामीको आफन्तको नाममा रकम पठाएको जानकारी दिए ।
समाजका अध्यक्ष बाल कृष्ण पंगेनीका अनुसार तीन वर्षदेखि बिरामीरहेका खवासलाई सुरुवाती चरणमा समेत समाजको पहलमा साउदीमा कार्यरत नेपालीहरुको सहयोगमा ६२ हजार रुपैयाँ सहयोग गरेका थिए ।
