अस्मित र आँचललाई मिस्टर एन्ड मिस रौनियारको उपाधि

सैलुङअनलाइन
सैलुङअनलाइन संवाददाता
काठमाडाैं

दोस्रो संस्करणको मिस्टर एन्ड मिस रौनियार २०२१ शनिबार राती काठमाडौँको जमल स्थित नाचघरमा सम्पन्न भएको छ । सो प्रतियोगितामा मिस्टर रोनियार २०२१ को उपाधि अस्मित गुप्ताले र मिस रौनियार २०२१ को उपाधि आँचल रौनियारले जितेका छन् ।

एमी इन्टरटेनमेन्ट प्रा।लि।द्वारा आयोजित सो प्रतियोगितामा आँचलले पब्लिक च्वाईस अवार्ड पनि हासिल गरिन् भने अस्मितले मिस्टर ट्यालेन्टको उपाधि पनि जिते ।

काठमाडौँ विराटनगर लगायत विभिन्न स्थानका गुप्ता तथा रौनियार समुदायका युवा युवती बिच भएको दोस्रो संस्करणको मिस्टर एन्ड मिस रौनियारको उपाधि अस्मित र आँचलले जितेका हुन् ।

यो प्रतियोगिताको निर्णायकमा अभिनेता रणधिर शाह, मोडल बिपना थापा, रौनियार सेवा समाज विराटनगरका अध्यक्ष रामनरेश शाह, उड्डयन प्राधिकरण क्षेत्रकी संगीत रौनियार र फेसन डिजाइनर सरगम श्रेष्ठ थिए ।


प्रतियोगितामा मिस्टर रौनियारतर्फ फस्ट रनरअपसँगै बेस्ट पर्सनालिटी र म्यानेजमेन्ट च्वाईसको आवर्ड सर्वजित रौनियारले, सेकेन्ड रनरअपसँगै फोटोजेनिक र बेस्ट पर्फमेन्सको अवार्ड राज रौनियारले हासिल गरे । भिवर्स च्वाईस र पब्लिक च्वाईसको अवार्ड श्याम रौनियारले, बेस्ट वाकको अवार्ड अँकित रौनियारले, म्यानेजमेन्ट च्वाईस अवार्ड अजयप्रसाद गुप्ताले हासिल गरे । विराटनगरबाट मिस्टर ट्यालेन्ट आयुष रौनियार बने ।

प्रतियोगितामा मिस रौनियारतर्फ फस्ट रनरअपको उपाधि शिक्षा गुप्ताले, सेकेन्ड रनरअपसँगै बेष्ट पर्फमेन्सको उपाधि ज्योती रौनियार र मिस ट्यालेन्टको उपाधि काठमाडौँबाट खुस्बु रौनियारले, विराटनगरबाट रुचि रौनियारले हासिल गरे । अन्य उपाधि तर्फ म्यानेजमेन्ट च्वाई अवार्ड नन्दिनी कुमारी गुप्ताले, मिस फोटो जेनिक सोमनकुमारी गुप्ता, बेस्ट क्याटवाक सालु कुमारी रौनियार, मोस्ट चार्मिङ स्नेहा रौनियार र बेष्ट पर्सनालिटीको अवार्ड प्रीति रौनियारले प्राप्त गरे ।

आयोजक राजन रौनियारले रौनियार समुदायका युवा युवतीको प्रतिभा प्रस्तुतिका लागि आफूहरूले यो प्रतियोगिता तीन वर्ष यताबाट आयोजना गर्दै आएको बताए । प्रतियोगिताको कोरियोग्राफी काठमाडौँका लागि रोजिन शाक्यले र विराटनगरका लागि युवराज केसरीले गरेका थिए ।

तपाईको प्रतिक्रिया

पत्रपत्रिका