गैर आवसिय नेपाली संघ (एनआरएन) राष्ट्रिय समन्वय परिषद् दक्षिण कोरियाको सातौं अधिवेशनको लागि नुवाकोटका सोम बहादुर तामाङले उपाध्यक्षको पदमा उम्मेदवारी घोषणा गरेको छ ।
लामो समयदेखि कोरियामा बसोबास गरिरहेका तामाङले आफ्नो उम्मेदवारी घोषणा गरेका छन् । चुनावको समय नजिकिदै जाँदा बिभिन्न पदको लागि उम्मेदवारी घोषणा भैरहेको छ ।
बिभिन्न संघ, संस्थामा बसेर काम गरिरहेका तामाङले संस्थामा बसेर इमान्दारी पुर्वक काम गर्नका लागि उम्मेदवारी दिएको बताएको छ । उनले भने, सकारात्मक सोच, इमान्दारीका साथ पूर्ण जिम्मेवारीका साथ काम गर्ने अठोट गर्दै उम्मेदवारी दिएको हो ।
उम्मेदवारी तामाङले नुवाकोट सेवा समाज, नेपाल तामाङ संघ र नेपाल आदिबासी जनजाति महासंघ दक्षिण कोरिया जस्ता संस्थामा बसेर काम गरि सकेका छन् । यस अघि नै अध्यक्ष पदका लागि अहिलेका कार्यसमितिका बरिष्ठ उपाध्यक्ष बिपिन गुरुङ, बुद्धि गुरुङ र यज्ञराज सुबेदीले उम्मेदवारी घोषणा गरेका छन् ।
कोरियामा एनआरएन अधिवेशन आगामी सेप्टेम्बर २१ र २२ तारिख हुदै छ ।
