लायन्स क्लब इन्टरनेश्नल (LCI) ले सोमबार लायन्स क्लब अफ सन्नीभेल एभरेष्टका निवर्तमान अध्यक्ष मंगल तामाङलाई LCI Specialty Club को संयोजकमा नियुक्त गरेको छ।
लायन्सको लागि यो पद एक महत्त्वपूर्ण हो । विगतमा गरिएको कार्य कुशलताको आधारमा २ भन्दा बढी जिमेवारी निर्वाह गरीसकेका व्यक्तिको सिफारिसलाई आधार मानेर (लायन्स क्लबको केन्द्रीय कार्यालयले छनोट गर्दछन् ।
अब तामाङले अन्य मल्टिपल डिस्ट्रीक(district) र विभिन्न देशका वर्ग, समुदाय , विभिन्न पेशा संग आबद्ध भएर शुध्द सेवाभाव भएका व्यक्तिहरुलाई सामाजिक सेवामा आवध्द गराउने काम को संयोजन गर्नुपर्ने हुन्छ । लायन्सको मुख्य कार्यालयसंग सिधै सम्पर्कमा रहनेछ ।
लायन्सले यसपूर्व नै नेपाली मूलका राजेन थापा र राज श्रेष्ठलाइ नियुक्ति गरेको थियो । तामाङ तेस्रो भएका हुन् भने तामाङ समुदायबाट पहिलो भएको छ । गत जुलाई महिनामा मात्र तामाङ लायन्स क्लबको डिस्ट्रीक (District) 4C6 को लागि जोन चेयर पर्शनमा छनोट भइ Lions District 4C-6 ko क्याबिनेट पदमा पुग्ने पहिलो नेपाली भएको छ ।
तामाङले आफू लायन्स क्लब अफ सन्निभेल एभरेष्टको चार्टर मेम्बर हुँदै प्रथम उपाध्यक्षबाट आफ्नो लायन्स यात्रा सुरु गरेका थिए । त्यसपछि उनले अन्तराष्ट्रिय समेम्लन, मल्टिपल डिष्ट्रिक (MD4) क्यालिफोर्नियाको थुप्रै काम गरेका छन्। यस क्रममा उनले नेपाल चिनाउने र नेपालको पर्यटन प्रवर्धनमा योगदान दिएका थिए । उनको यो सफलताबाट नेपाली समुदायलाई लायन्स समुदायमा एक तह सम्म उच्च बनाएको छ ।
नुवाकोट ककनी गाउँपालिका वडा नम्बर ७ चतुरालेमा जन्मेका तामाङ क्यालिफोर्निया राज्यको सान होजे शहरमा बस्दै आएका छन् । तामाङ तत्कालीन महेन्द्र मावि चतुरालेमा अध्ययनरत हुँदादेखि नै जुनियर रेडक्रसमा सम्बद्ध भएर सामाजिक काम गर्दै आइरहेका थिए ।
