मोरङको बूढीगंगा गाउँपालिका ४ पोठियाकाम १७ वर्षीय एक किशोरलाई गाउँकै युवाले दुई घण्टासम्म नियन्त्रणमा लिएर निर्घात कुटपिट गरेका छन् । कुटपिट गरिएको भिडियो सार्वजनिक भएपछि घटना बाहिर आएको हो ।
मोबाइल चोरीको आरोप लगाउँदै मोहम्मद नउसाद मियाँमाथि कुटपिट गरिएको प्रहरीले जनाएको छ ।
नउसादमाथि बूढीगंगा ४कै २२ वर्षीय सादीर मियाँ, २० वर्षीय अंसद मियाँ, १८ वर्षीय अफजल मियाँ र बुढीगंगा ५का २१ वर्षीय आकिप मियाँले नियन्त्रणमा लिएर पेटी, लात्ता र मुक्काले दुई घण्टासम्म लगातार कुटपिट गरेको प्रहरीले जनाएको छ । घटनाको भिडियो पनि बाहिर आएको छ । यो समाचार अाजको अन्नपूर्ण पोष्टमा छ।
